Արգելված պտուղն ավելի քաղցր է. վայրեր, որտեղ մուտքն արգելված է

Սուրթսեյ

Սուրթսեյը հրաբխային կղզի է ՝ Իսլանդիայի հարավային ափի մոտ: Այն հրաբխի ժայթքման արդյունք է,որը սկսվել է 1963թ.-ին և ավարտվել 1967թ.-ին: Այս կղզին փակ է այցելությունների համար՝ բնական էկոլոգիական վիճակը պահպանելու նպատակով: Արգելքը այնքան խիստ  է , որ նույնիսկ վերաբերում է գիտնականներին:

 

Եղանակի լեռը

Այս օբյեկտը գտնվում է ԱՄՆ-ի Վիրջինիա նահանգում: Այս վայրը համարվում է հիմնական պաշտպանիչ վայրերից մեկը ֆորսմաժորային իրավիճակներում՝ բարձրաստիճան պաշտոնյաների և զինվորականների համար:

 

Մետրո-2

Մետրո-2-ը գաղտնի ստորգետնյա մետրոպոլիտեն է,որը տեղակայված է հասարակական մետրոյին զուգահեռ: Այն կառուցված է եղել դեռ Իոսիֆ Ստալինի կառավարման տարիներին և ունեցել է D-6 ծածկանունը: Այն մինչև այժմ էլ օգտագործվում է ՌԴ-ի Պաշտպանության նախարարության կողմից, չնայած դրա գոյության մասին տեղեկությունները  ոչ հերքվում են, ոչ էլ հաստատվում:

 

Սենտինել

Բենգալյան ծոցի Անդամանյան կղզիներից մեկում դեռ ապրում են բնիկ սենտիլյացիներ: Բնակչության թիվը  50-400։ Կղզեբնակները չեն շփվում արտաքին աշխարհի հետ և վերջին ցեղերից են, որոց ընդհանրապես չի հասել ժամանակակից հասարակությունը:
Յուրաքանչյուր փորձ կապ հաստատելու, դիմավորվում է  քարերով  և նետերով: Իսկ 2006թ.-ին հունվարի 26-ին հայտնի դարձավ,որ երկու հնդիկ որսորդներ դաժան սպանվել են, քանի որ նրանց նավակը հասել էր այդ կղզու ափերին:

 

Վատիկանի գաղտնի արխիվը

Վատիկանի գաղտնի արխիվը  իրականում արդեն գաղտնազերծված է  1881թ.-ից  ի վեր, երբ Լև XIII պապը այն բացեց  միայն ընտրյալների համար: Այսօր այն ուսումնասիրվում է հազարավոր գիտնականների կողմից: Հաշվի առնելով,որ գրապահարանների երկարությունը հասնում է  83.5 կմ.-ի՝ մեզ սպասվում են բազմաթիվ աղմկահարույց փաստերի բացահայտումներ:

Explore.am