«Այս պահին ապրում եմ իրենով». Լայանա

Exclusive 

Past.am-ի բլից հարցերին պատասխանում է սիրված երգչուհի Լայանան։

 

- Ձեր օրն սկսվում է...

- Բալիկիս արթնանալով:

- Ո՞վ կամ ի՞նչն է Ձեր ոգեշնչման աղբյուրը:

- Էլի կրկնվեմ երևի, բալիկս. այս պահին ապրում եմ իրենով:

- Գեղեցիկը Ձեզ համար...

- Ներդաշնակությունն է:

- Ու՞մ եք դիմում, երբ հուսահատ եք:

- Ամուսնուս:

- Կյանքում երբեք չեք ների...

- Դավաճանությունը:

- Ձեր ամենամեծ հիասթափությունը...

- Չեմ հիշում:

- Մի բան, որի համար շատ եք ափսոսել...

- Որ ծովափնյա քաղաքում չեմ ծնվել:

- Ձեր կյանքի ամենառոմանտիկ հանդիպումը...

- Ամուսնուս՝ Ռոլանդի հետ, երբ դեռ ընկերություն էինք անում:

- Երբ բարկացած եք...

- Անտանելի եմ:

- Ձեզ հասկանալու համար դիմացինը պետք է...

- Մտնի իմ հոգեվիճակի մեջ:

- Ընտանի կենդանի ունե՞ք:

- Այո, շուն:

- Եթե լինեիք ամենազոր...

- Ոչ մի երեխա անտուն ու առանց ծնողների չէր մնա:

- Հայրենիքը Ձեզ համար...

- Կարծում եմ՝ հայրենասեր եմ:

- Ձեր կյանքի ամենամեծ ձեռքբերումը...

- Ընտանիքս:

- Ամենաշատը երազում եք...

- Զույգ ունենալու մասին:

- Երբեք չեք փորձի...

- Օդապարիկից թռչել:

- Աշխարհի լավագույն վայրը Ձեզ համար...

- Իմ տունը:

- Միշտ վախեցել եք...

- Անհաջողակ լինելուց:

- Մարդ, ով փոխել է Ձեզ...

- Վստահ կարող եմ ասել, որ ամուսինս:

- Տանել չեք կարողանում, երբ...

- Կեղծավորություն են անում:

- Մի բառով բնորոշեք ինքներդ Ձեզ:

- Ես կարիճ եմ ))

- Տարվա ո՞ր եղանակի հետ եք Ձեզ ասոցացնում:

- Միանշանակ ամռան:

- Իր, որ միշտ Ձեզ հետ է...

- Վզնոց է, որ 2 տարուց ավելի է՝ չեմ հանում:

- Երջանկության՝ Ձեր բանաձևը...

- Լինել սիրող, հաշտ և համբերատար:

- Առանց ինչի՞ չեք կարող ապրել:

- Առանց աղջկաս:

- Ամենակարևորը՝ կյանքում…

- Մինչև բալիկիս ծնունդն ուրիշ կարծիք ունեի, բայց հիմա՝ միանշանակ ընտանիքը:

- Վերջին անգամ ե՞րբ եք արտասվել:

- Այսօր, երբ բալիկիս տարա մանկապարտեզ, նա լացում էի իմ հետևից, և, անկախ ինձնից, աչքերս լցվեցին:

- Այս պահին կուզենայիք...

- Ծնողներս կողքիս լինեին:

- Ձեր գերագույն նպատակն այս կյանքում...

- Հասնել այն ամենին, ինչ իմ առջև դրել եմ:

- Ուրիշ ի՞նչ հարցի կցանկանայիք պատասխանել, որը չհնչեց:

- Կարծում եմ՝ ամեն բան հարցրեցիք:

- Եվ վերջում...

- Կուզենամ, որ Հայաստանի Հանրապետությունը լինի շատ պաշտպանված, հայ մայրերի աչքերից արցունքներից չհոսեն, ու մենք կորուստներ չունենանք:

 

Մարիամ Նալբանդյան