ՀԲԸՄ-ն և ՀԵԸ-ն վերահաստատել են հայ ժողովրդի իրավունքների պաշտպանության իրենց ուխտը

Հայաստանի բարեգործական ընդհանուր միությունը և Հայ երիտասարդաց ընկերակցությունը վերահաստատել են հայ ժողովրդի իրավունքների պաշտպանության իրենց ուխտը: Այս մասին հայտնում է Լիբանանում «Արմենպրես»-ի թղթակիցը: Ներկայացնում ենք հոդվածն ամբողջությամբ:

«Համայն հայ ժողովուրդին եւ  ՀԲԸՄ-ՀԵԸ  ընտանիքին համար իւրաքանչիւր  Ապրիլ 24  պահանջատիրութեան եւ ուխտի  վերանորոգման  օր է:

Երկուշաբթի, 24 Ապրիլ  2017-ի առաւօտեան, ՀԵԸ Անդրանիկ Անթիլիաս  եւ ՀԵԸ Անդրանիկ Սեւան սկաուտական շարժումներու երէցները, քարավելները, սկաուտները եւ արենուշները, ՀԵԸ Անդրանիկ փողերախումբին  գլխաւորութեամբ, ՀԲԸՄ-ի,ՀԵԸ-ի, Հայաստանի եւ Լիբանանի դրօշներով, ՀԲԸՄ-ի Տեմիրճեան կեդրոնի առջեւէն  տողանցեցին  դէպի  Անթիլիասի  մայրավանք: Սկաուտական  շքերթին  կը հետեւէին  մեծ թիւով  միութենականներ,  համակիրներ,  բարեկամներ, հայորդիներ:

  Տողանցքի  ընթացքին կը հնչէին ազգային,հայրենասիրական նուագներ: Տպաւորիչ էր  Անթիլիասի  մայրավանք մուտքը: ՀԵԸ-ի  սկաուտական զոյգ  շարժումներու աւելի քան երեքհարիւր  եւ յիսուն երիտասարդ-երիտասարդուհիներ մայրավանքի  շրջափակին մէջ  գրաւեցին  իրենց դիրքերը:  Մինչ այդ, մայրավանքի Սուրբ Գրիգոր  Լուսաւորիչ  եկեղեցւոյ  մէջ, ի շարս  ազգային եւ պաշտօնական ներկայացուցիչներու՝ ՀԲԸՄ-ի  Լիբանանի  Շրջանակային Յանձնաժողովի եւ ՀԵԸ-ի  Կեդրոնական  Վարչութեան անդամներ,  հանդիսաւոր պատարագ  տեղի  ո ւնեցաւ Հայոց Ցեղասպանութեան նահատակներու  յիշատակին:

Պատարագի աւարտին, մայրավանքի  Նահատակաց  Մատուռին առջեւ  տեղի ունեցաւ   ծաղկեպսակի  զետեղում: Այս միջոցին, ՀԲԸՄ-ՀԵԸ-ի փողերախումբը   համաչափ  հնչիւններով,  իւրովի մեկնաբանութեամբ կատարեց  Տէր Ողորմիա-ն, Կիլիկիա-ն եւ Հայր Մեր-ը, արժանանալով  ներկաներու  գնահատանքին:  ՀԲԸՄ-ի  Լիբանանի  Շրջանակային  Յանձնաժողովի անունով՝ Սիլվա Լիպարիտեան եւ Կերրի Նազարեան, ՀԵԸ-ի  Կեդրոնական Վարչութեան՝ Պօղոս Վանլեան եւ Յակոբ Ճղըլեան, ՀԵԸ-ի Ասպետներու  Համախմբումի՝  Հայկ Եսայեան եւ Ռաֆֆի Թոքաթլեան, ՀԲԸՄ-ի Լիբանանի Տիկնանց համախմբումի՝ Թալին Եաւերեան,Շողիկ Պաղտասարեան, Շողիկ Պերտոյեան  ծաղկեպսակներ զետեղեցին Նահատակաց մատռան առջեւ,  որուն յաջորդեց  ՆՍՕՏՏ Արամ Ա.-ի պատգամը եւ  հոգեհանգստեան պաշտօնը:

 Հոգեհանգստեան պաշտօնի աւարտին, ՀԲԸՄ-ՀԵԸ-ի Անդրանիկ փողերախումբը հպարտ եւ սէգ  ճակատով,մայրավանքի  վեհարանին առջեւ  մատուցեց օրուան խորհուրդը պատգամող նուագ:

Անթիլիասի մայրավանքին մէջ  Հայոց Ցեղասպանութեան նահատակներու յիշատակին  պատարագը եւ  հոգեհանգստեան պաշտօնը աւարտելէ ետք, ՀԵԸ-ի սկաուտական զոյգ   շարժումները, ՀԵԸ Անդրանիկ փողերախումբին ընկերակցութեամբ  օթոպիւսներով  ուղղուեցան  Ժաաթաուի՝  Հայ  Կաթողիկէ Պատրիարքարան: Ժաաթաուիի գլխաւոր  ճանապարհէն  տողանցելով,  մեր փողերախումբը եւ սկաուտական կազմերը  մուտք գործեցին  պատրիարքարանի  շրջափակը, տարածուելով Նահատակաց  Յուշարձանին  շուրջ: Յանուն  Կաթողիկէ  Պէյրութի  պատրիարքական թեմ ի օգնական Գէորգ եպս. Ասատուրեան բարի գալուստ  մաղթեց ՀԵԸ-ի Կեդրոնական Վարչութեան ատենապետ Վիգէն Չերչեանին եւ անդամներուն,  ՀԲԸՄ-ՀԵԸ  սկաուտական շարժումին, ՀԵԸ Անդրանիկ  փողերախումբին, շեշտելով, թէ  պատրիարքարանը կը մնայ  պահանջատէր  հայութեան տունը:

ՀԵԸ-ի Կեդրոնական Վարչութեան խօսքը  փոխանցեց  Յակոբ Թելվիզեան: Ան  յայտնեց, թէ   Հայ  ժողովուրդին   ծոցէն  ծնած Հայ  Երիտասարդաց Ընկերակցութիւնը իր ղեկավարութեան, փողերախումբին, սկաուտական, երիտասարդական, մարզական, մշակութային  միաւորներուն անունով  այսօր, այս  յուշարձանին առջեւ, ոչ միայն  յարգանքի տուրք կը մատուցէ  մեր միլիոնուկէս  նահատակներուն յիշատակին, այլեւ  կու գայ  վերահաստատելու  հայ ժողովուրդին անսակարկօրէն ծառայելու  իր  ուխտը: Այն ուխտը որ  Հայկական  Բարեգործական&nbsp ; Ընդհանուր Միութեան   հիմնադրութեան  օրէն  փրկութեան լուսաւոր  փարոս   դարձաւ հայ  ժողովուրդին համար:   Հայապահպանութիւնը,  հայրենակերտումը,  հողային պահանջատիրութիւնը եւ Լեռնային  Ղարաբաղի հանրապետութեան միջազգային  ճանաչումը   կարգախօսներ  չեն մեզի համար,այլ՝ ամենօրեայ   հաւատամք եւ աշխատանք:

Ապա, ՀԵԸ-ի Կեդրոնական Վարչութեան անդամներ Վիգէն Չերչեան եւ Կերրի  Նազարեան, ՀԵԸ-ի փողերախումբին  հնչիւններուն  ընկերակցութեամբ, ՀԲԸՄ-ՀԵԸ-ի անունով  ծաղկեպսակ մը զետեղեցին  Նահատակաց յուշարձանին առջեւ»: