«Դեղահաբեր»՝ ներդրումների տեսքով. 14.7 մլն դոլար՝ Երևանում
ԲԼՈԳԱնի Սանոսյանը ֆեյսբուքյան իր էջում գրում է.
Վերջին շրջանում հատկապես ակտիվացել է ՀՀ տնտեսության մեջ ներդրումների ներգրավման անհրաժեշտությունը և մշակվում են տարբեր ներդրումային ծրագրեր, որոնք իրականացնելու համար ստեղծվելու են գրավիչ պայմաններ: Այդ ներդրումային ծրագրերից մեկն էլ ստորգետնյա ավտոկայանատեղի կառուցումն է, որի համարպահանջվելու է 14,7 մլն դոլար:
Երևանի Ռուսաստանի հրապարակում ստորգետնյա բազմաֆունկցիոնալ համալիրի և ավտոկայանատեղի կառուցման ներդրումային ծրագրով նախատեսվում է տրանսպորտային հանգույցի կառուցում Գրիգոր Լուսավորիչ փողոցում, ստորգետնյա բազմաֆունկցիոնալ համալիրի և ավտոկայանատեղի ստեղծում Երևանի Ռուսաստանի հրապարակի տարածքում:
Ծրագրով նախատեսվում է կառուցել եռահարկ ստորգետնյա համալիր, որտեղ վերին հարկում նախատեսվում է տեղակայել առևտրի և սպասարկման օբյեկտներ, ստորգետնյա անցում հետիոտների համար, իսկ երկրորդ և երրորդ հարկերում նախատեսվում է ավտոկայանատեղի՝ շուրջ 450 ավտոմեքենաների համար:
Հրապարակի և խաչմերուկի հանգույցի նախագծային հողամասի ընդհանուր մակերեսը նախատեսվում է 11 հազար քմ, իսկ մեկ հարկի մակերեսը՝ 4400 քմ: