ՀՀ բնապահպանության նախարարությունը պետբյուջե է մուտքագրել 1 մլն դրամ

ՀՀ բնապահպանական պետական տեսչության կողմից ապրիլի 24-28-ը իրականացված շրջայցերի, ԲՊՏ վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 810.0 հազար դրամ ընդհանուր գումարի վարչական տուգանքի 11 որոշում և հաշվարկվել 1.14մլն.դրամ ընդհանուր գումարի շրջակա միջավայրին հասցված վնաս:Այս մասին «Արմենպրես»-ին տեղեկացրին ՀՀ բնապահպանության նախրարության տեղեկատվության և հասարակայնության հետ կապերի բաժնից: 

Մասնավորապես`

 Բուսական աշխարհի պահպանության ոլորտ

Կազմվել է վարչական տուգանքի 2 որոշում՝ 100.0 հազար դրամ ընդհանուր գումարի և հաշվարկվել է 911.3 հազար դրամ ընդհանուր գումարի շրջակա միջավայրին պատճառված վնաս, որից՝   

Տավուշի տարածքային բաժնի վարույթին հանձնված գործերի քննության արդյունքում 2 ֆիզիկական անձանց նկատմամբ ապօրինի հատված 7 ծառի համար կայացվել է 100.0 հազար դրամ ընդհանուր գումարի վարչական տուգանքի 2 որոշում և հաշվարկվել է 911.3 հազար դրամ ընդհանուր գումարի շրջակա միջավայրին հասցված վնաս: 

Մթնոլորտային օդի պահպանության ոլորտ

Կազմվել է վարչական տուգանքի 2 որոշում` 100.0 հազար դրամ ընդհանուր գումարով, որից՝

Շիրակի տարածքային բաժնի կողմից առանց անթափանց ծածկոցի խիճ տեղափոխելու  դեպքի համար 1 ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում:

Երևանի տարածքային բաժնի կողմից առանց անթափանց ծածկոցի շինարարական աղբ տեղափոխելու դեպքի համար 1 ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում: 

Հողերի պահպանության ոլորտ

Կազմվել է վարչական տուգանքի 1 որոշում` 30.0հազար դրամ  գումարով, որից՝

Շիրակի տարածքային բաժնի կողմից հայտնաբերվել է հողի բերրի շերտի օգտագործման կարգը խախտելու մեկ դեպք, որի համար կազմվել է 1 վարչական տուգանքի որոշում` 30.0 հազար դրամ գումարով: 

Ապօրինի որսի իրականացման համար

Վայոց ձորի տարածքային բաժնի կողմից իրականացված շրջայցերի արդյունքում հայտնաբերվել է ձկան ապօրինի որսի մեկ դեպք, առգրավվել է 2 հատ գետի  «կողակ»,  հաշվարկվել է 2.0  հազար դրամ գումարի շրջակա միջավայրին հասցված վնաս:  Բաժինը վնասի մասնագիտական գնահատում է տվել ոստիկանության կողմից 3 «կարաս»-ի և  գետի 75 «կողակ»-ի ապօրինի որսի վերաբերյալ, ինչը կազմել է 78.0 հազար  դրամ:

Գեղարքունիքի տարածքային բաժինը «Սևան ԱՊ» ՊՈԱԿ-ի հետ համատեղ իրականացված ստուգայցերի ընթացքում առգրավել է 5 հատ պոլիէթիլենային ձկնորսական ցանց,  140 հատ «սիգ» տեսակի ձուկ,  որն օրենքով սահմանված կարգով հանձնվել է Սևանի թիվ 3 «Հեքիաթ» մանկապարտեզ, իսկ ցանցերն ի պահ են հանձնվել  «Սևան ԱՊ» ՊՈԱԿ-ի պահեստ: 

Կենդանական աշխարհի պահպանության ոլորտ 

Արագածոտնի տարածքային բաժնի կողմից ուսումնասիրվել և պատասխանվել է Հայկական բնապահպանական ճակատ քաղաքացիական նախաձեռնության ահազանգին՝ կապված Ապարան քաղաքի սկզբնամասում գտնվող շինանյութի խանութում պահվող արջի վերաբերյալ: Անազատության մեջ պահվող արջի համար անհատ ձեռնարկատերի նկատմամբ կայացվել է 100.0 հազար դրամ գումարի վարչական տուգանքի որոշում: 

Փայտանյութի ապօրինի տեղափոխում՝

Կազմվել է վարչական տուգանքի 4 որոշում՝ 400.0 հազար դրամ գումարով և հաշվարկվել է 144.0hազ.դրամ ընդհանուր գումարի շրջակա միջավայրին պատճառված վնաս, որից՝

Անտառների և կենսաբազմազանության վերահսկողության բաժնի կողմից 4 ֆիզիկական անձանց նկատմամբ (4խմ ապօրինի վառելափայտ տեղափոխելու համար) կայացվել է 400.0 հազար դրամ ընդհանուր գումարի վարչական տուգանքի 4 որոշում և հաշվարկվել է 144.0 հազար դրամ ընդհանուր գումարի շրջակա միջավայրին հասցված վնաս: 

Բնապահպանական և բնօգտագործման վճարների եռամսյակային հաշվետվությունները սահմանված ժամկետում չներկայացնելու համար  

Գեղարքունիքի տարածքային բաժնի կողմից 1 տնտեսվարողի նկատմամբ կայացվել է 80.0 հազար դրամ գումարի վարչական տուգանքի որոշում: 

Ընդհանուր առմամբ ՀՀ բնապահպանության նախարարության բնապահպանական պետական տեսչության կիրառած պատժամիջոցներից հաշվետու ժամանակահատվածում ՀՀ պետական բյուջե է մուտքագրվել 1.0 մլն.դրամ գումար: