Իրան-Հայաստան նոր էլեկտրահաղորդման գիծը պատրաստ կլինի մինչև 2017 թվականի սեպտեմբեր. Հայկ Հարությունյան

Ինչպես հայտնում է Past.am-ը, ՀՀ էներգետիկ ենթակառույցների ու բնական ռեսուրների փոխնախարար Հայկ Հարությունյանն ապրիլի 28-ին լրագրողներին հայտնեց, որ 2016 թվականի դեկտեմբերին հաստատվեց 2016-2018թթ. էներգախնայողության ազգային ծրագրի երկրորդ փուլը, որով նախատեսվում են մի շարք միջոցառումներ:

Հայկ Հարությունյանի խոսքով՝ 400 կվ հզորությամբ Իրան-Հայաստան նոր էլեկտրահաղորդման գիծը պատրաստ կլինի մինչև 2017 թվականի սեպտեմբեր։ Նոր գիծը, ըստ փոխնախարարի, զգալիորեն կուժգնացնի էլեկտրաէներգիայի հոսքերը երկու պետությունների միջև։

«Հիմա Հայաստանի ու Իրանի միջև գործում են 2 ԷՀԳ-եր, որոնք ունեն մինչև 220 կվ հզորության։ Նոր՝ 3-րդ ՀԳ-նկձգվի Մեղրիից (Իրանի հետ սահմանին) մինչև Հրազդան, որտեղ Հրազադանի ՋԷԿ-ից մոտ 10 կմ հեռավորությամբ ծրագրվում է կառուցել 440/220 կվ ենթակայան»,-ասաց Հայկ Հարությունյանը։

Հարությունյանը նշեց,որ սահմանված են չափանիշեր, որոնք նպատակ ունեն բարձրացնելու էլեկտրաարդյունավետությունը շինարարության ոլորտում։ «Յուրաքանչյուր տարի հրապարակվելու է երկրի էներգետիկ հաշվեկշիռը, ինչը թույլ կտա հասկանալ, թե ինչ ենք սպառում, որտեղ խնայողության ռեսուրս կամ հավելյալ աշխատանքի կարիք ունենք»,-հավելեց բանախոսը։

Էներգետիկայի փոխնախարարը տեղեկացրեց, որ վերականգնվող էներգետիկայի ոլորտի ուղղությամբ այսօր մրցույթ է հայտարարվել՝ 55 մեգավատտ արևային կայանի կառուցման համար Մասրիքում։ Ըստ պարոն Հարությունյանի՝ մրցույթը միջազգային է, առաջին անգամ է այս կարգով սակագին սահմանվելու էներգետիկ համակարգում: Հայկ Հարությունյանը շեշտեց՝ սպասվող սակագինը կլինի աշխարհի մակարդակով ռեկորդային։

Լևոն Փանոսյան