Սփյուռքի հանդիսատեսը միշտ պահանջատեր է ու նվիրյալ դեպի ժողովրդական երգը (տեսանյութեր)

Ժող.երգի փայլուն կատարող Մավր Մկրտչյանը գործընկերների հետ համերգային շրջագայությամբ գտնվում էր ՌԴ-ում: Նա ելույթ է ունեցել 18 հայաշատ քաղաքներում: Հետևելով սոցիալական ցանցերին՝ հասկանալի է դառնում, որ բուռն արձագանքի է արժանացել երգիչը: Նա միշտ աչքի է ընկել իր երգացանկով, որում ներառված են հայրենասիրական երգեր:

Past.am-ը զրուցեց երգչի հետ` տեղեկանալու նրա գործունեության նորություններին ու տպավորություններին:

Դուք նոր եք վերադարձել համերգային շրջագայությունից, կպատմե՞ք Ձեր տպավորությունների մասին:

Տպավորություններս շատ վառ են, կարող եմ երկար խոսել դրանց մասին, բայց կասեմ, որ ամեն ինչ հրաշալի էր:

Ռուսաստանաբնակ հայ հանդիսատեսը ժող.երգի հանդեպ պահանջատե՞ր է, և արդյո՞ք նոր սերնդի մեջ սերմանված է, պահպանվում է սեր՝ դեպի ազգային երգը:

Ո՞ր հայկական համայնքն էր ավելի կազմակերպված ու պահպանողական :

Ընդհանրապես Ռուսաստանում կան շատ կազմակերպված համայնքներ, բայց ես շատ կուզենայի, որ բոլոր մեր հայ համայնքներն այդպես լինեն։ Կան տեղեր, որտեղ մարդիկ իսկապես շատ մեծ գործ են անում ավագ սերնդի համար, ամեն ինչ անում են, որ իրենց երեխաները մնան ազգային հիմքի վրա: Հայկական մշակութային կենտրոններ են ստեղծում, բայց, ցավոք, դա ոչ բոլոր տեղերում էր այդպես:

Ի՞նչ երգացանկով եք հանդես եկել Դուք :

Երգացանկս համարյա լրիվ նոր էր, երգում էի այն երգերը, որոնք մաքսիմալ սպասելի էին մեր հայրենակիցների համար:

Ձեր տեսահոլովակները տարբերվող են, դուք միշտ ընտրում եք հայրենասիրության թեման, առաջիկայում ոճային տարբերություն կլինի՞ :

Ոճային տարբերություններ ոչ միայն առաջիկայում, այլ միշտ է լինելու են ինձ մոտ: Կարծում եմ, շուտով նոր կտեսնեք դա:

Նոր եք վերադարձել Երևան, բայց մի քանի ժամից մեկնում եք ԱՄՆ, ինչ ծրագրով եք հանդես գալու այնտեղ: