Խոշոր հարկատուները 12%-ով ավել հարկ են վճարել
ԲԼՈԳՍեդա Ադամյանը ֆեյսբուքյան իր էջում գրում է.
2017թ. հունվար-մարտ ամիսներին Հայաստանի 1000 ամենախոշոր հարկատուների կողմից պետական բյուջե վճարված հարկերի ծավալը անցած տարվա առաջին եռամսյակի համեմատ աճել է շուրջ 18,4 մլրդ դրամով կամ 11,8%-ով՝ կազմելով շուրջ 175 մլրդ դրամ:
Հայաստանի ամենախոշոր հարկատուն 16,8 մլրդ դրամ հարկերի ծավալով «Գազպրոմ Արմենիա»-ն է: Ընկերության վճարած հարկերը, նախորդ տարվա առաջին եռամսյակի համեմատ, ավելացել են 7,9%-ով: Երկրորդ հորիզոնականում «Գրանդ Տոբակո» ընկերությունն է: Վերջինս հունվար-մարտ ամիսներին վճարել է 5,5 մլրդ դրամ հարկ, ինչը գերազանցում է 2016թ. առաջին եռամսյակի ընկերության ցուցանիշը 87,3%-ով (անցած տարի 8-րդ տեղում էր): Խոշորագույն հարկատուների ցուցակում երրորդը «Զանգեզուրի պղնձամոլիբդենային կոմբինատ»-ն է` 4,7 մլրդ դրամ հարկերով, ինչը 2,4 անգամ գերազանցում է նրա անցած տարվա ցուցանիշը:
4,5 մլրդ դրամ ցուցանիշով չորրորդ հորիզոնականում «Ալեքս Հոլդինգ»-ն է: