Հունաստանը վարկատուների հետ համաձայնության Է եկել բարեփոխումների փաթեթի շուրջը

Հունաստանն իր վարկատուների հետ համաձայնության Է եկել ֆինանսական օգնություն ստանալու պայմանների շուրջը, ինչի մասին հայտնել Է The New York TImes-ը: Հունաստանի ֆինանսների նախարար Էվկլիդես Ցակալոտոսը հայտարարել Է, որ «սպիտակ ծուխ Է երեւում»՝ ակնարկելով Հռոմի պապի ընտրությունների ընթացակարգը, տեղեկացնում Է «Արմենպրես»-ը:  

Աթենքը, որը հուլիսին պետք Է պարտքի գծով 7 միլիարդ եվրո վճարի, խոստացել Է բարձրացնել հարկերը եւ կրճատել սոցիալական վճարները, ներառյալ կենսաթոշակները, մայրական նպաստները, չքավորների բժշկական օգնության ապահովումը: Բացի դրանից, Հունաստանը փոփոխություններ կմտցնի Էներգետիկայի ոլորտում: 

Հունաստանի, Եվրամիության եւ ԱՄՀ-ի միջեւ բանակցություններն ընթանում Էին վեց ամիս: Կողմերն այժմ պետք Է քննարկեն երկրի պարտային բեռնվածության թեթեւացման հնարավոր ուղիները:        

Եվրոյի գոտու եւ ԱՄՀ-ի վարկատուների ներկայացուցիչներն արդեն մայիսի 2-ին կվերադառնան իրենց կենտրոնակայաններ՝ պատրաստելու հաշվետվություն, որը մայիսի 22-ին կներկայացվի եվրոյի գոտու երկրների ֆինանսների նախարարների հանդիպմանը: Հույն խորհրդարանականները մինչ այդ պետք Է քվեարկեն տվյալ հարցի շուրջը:    

Համաձայնագրի ընդունումը Հունաստանին թույլ կտա ստանալ հաջորդ վարկաբաժինն օգնության երրորդ փաթեթի շրջանակներում համաձայնեցված 86 միլիարդ եվրոյից, հաղորդել Է «Ինտերֆաքս» գործակալությունը: