«Եվրատեսիլ»-ի կազմակերպիչները Ռուսաստանին եւ Ուկրաինային սպառնացել են պատժամիջոցներով

Եվրոպայի հեռարձակողների միությունը (ԵՀՄ), որը կազմակերպում Է «Եվրատեսիլ»-ը, կարող Է Ռուսաստանին եւ Ուկրաինային տուգանել միջազգային երաժշտական մրցույթի կանոնադրությունը խախտելու համար: Այդ մասին հայտարարել Է կազմակերպության կազմկոմիտեի ղեկավար Ֆրանկ-Դիթեր Ֆրայլինգը, տեղեկացնում Է «Արմենպրես»-ը՝ հղում անելով Heute պորտալին:

Ֆրայլինգի խոսքով՝ Կիեւը նահանջել Է մրցույթի կանոններից՝ չապահովելով մրցույթին Ռուսաստանի ներկայացուցչուհի Յուլյա Սամոյլովայի մասնակցությունը: «ԵՀՄ-ի տեսակետից դա կանոնադրության խախտում Է»,-ընդգծել Է նա:

Ինչպես նշել Է Ֆրայլինգը, Ուկրաինայի վարչապետ Վլադիմիր Գրոյսմանը խոստացել Էր, որ մրցույթի բոլոր մասնակիցները կկարողանան ելույթ ունենալ «Եվրատեսիլ-2017»-ում:

Ռուսաստանն իր հերթին մրցույթի նախաշեմին չի մասնակցել Կիեւում անցկացված տարբեր նիստերի, ինչը նույնպես գնահատվում Է որպես կանոնադրության խախտում Է որակվում, հավելել Է ԵՀՄ-ի ներկայացուցիչը: 

Պատժամիջոցների սահմանումը միության անդամները կքննարկեն հաջորդ հանդիպմանը, որը կկայանա հունիսի 12-ին. երկրներին կարող են պարտավորեցնել դրամական փոխհատուցում վճարել կամ Էլ նրանց երեք տարով արգելել «Եվրատեսիլ»-ին մասնակցելուց:

Երգի մրցույթի կիսաեզրափակիչները Կիեւում կանցկացվեն մայիսի 9-ին եւ մայիսի 11-ին, եզրափակիչը՝ մայիսի 13-ին: