Քսան տարվա ընթացքում Հայաստանում կրկնակի ավելացել են կարճատեսութան դեպքերը

 Քաղաքակրթական և տեխնոլոգիական զարգացման արդյունքում չափազանց շատացել է մարդկանց շփումը համակարգիչների, բջջային հեռախոսների հետ, ինչն էլ նպաստում է տեսողության վատթարացմանը: Վերջին 20 տարվա ընթացքում Հայաստանում կրկնակի ավելացել են կարճատեսութան դեպքերը: Այս մասին Տեսողության և կուրության դեմ պայքարի համաշխարհային օրվան նվիրված ասուլիսին հայտնեց Վլ. Ավագյանի անվան ԲԿ-ի աչքի էքսիմեր լազերայինվիրաբուժության բաժանմունքի վարիչ, ակնաբույժ Լուսինե Բեկիրսկա-Թամազյանը:

Մասնագետի կարծքիով` տեսողության վրա բացասաբար են ազդում նաև էկոլոգիական խնդիրները` վիտամիններով ոչ հարուստ սնունդը, սթրես հարուցող օրակարգը և վերջապես տարիքը: Անվերադարձ կուրության կարող են հանգեցնել բնածին հիվանդությունները, շաքարային հիվանդության դեպքում աչքի ցանցաթաղանթի անոթային ախտահարումները, հիպերտոնիան, գլաուկոման: Այնինչ, ժամանակին բուժվելու դեպքում տեսողությունը հնարավոր է վերականգնել ծերունական կատարակտի և  կերատոկոնուսի (եղջերաթաղանթի դեգեներատիվ հիվանդությունը, որը հանգեցնում է դրա բարակեցման և արտափքման), կա րճատեսության, հեռատեսության և աստիգմատիզմի (աչքի օպտիկական արատ) դեպքում:  «Կատարակտ հիվանդության ժամանակ 20-30 տոկոս տեսողության դեպքում հնարավոր է լինում վերականգնել տեսողությունը. վիրահատական միջամտությամբ հեռացվում է պղտորված ոսպնյակ և տեղադրվում է արհեստական ոսպնյակ: Գնալով երիտասարդանում է կարճատեսությունը, որը նախկինում համարվում էր անբուժելի հիվանդություն: Սակայն արդեն 15 տարի է Հայաստանում վիրահատության միջոցով հնարավոր է գրեթե 100 տոկոսով վերականգնել տեսողությունը` յուրաքանչյուր անձի համար կախված իր չափորոշիչներից&r aquo;,- ասաց Բեկիրսկա-Թամազյանը:

Ժամանակին կանխարգելելու դեպքում տեսողությունը կարելի է վերականգնել կերատոկոնուս հիվանդության ժամանակ, որը նույնպես նախկինում համարվում էր անբուժելի: Ակնաբույժի խոսքով` այս հիվանդությունը հանդիպում է հին ազգերի մոտ` հայեր, հրեաներ, արաբներ` մուտացիայի ենթարկված գենի փոխանցման միջոցով: Պարտադիր չէ, որ հիվանդությունը փոխանցվի ծնողի կողմից, այն փոխանցվել կարող է նաև երկրորդ կարգի ազգականներից: Եթե կա նախատրամադրվածություն, կերատոկոնուսը կարող է պրովոկացվել համակարգչի դիմաց անթարթ աշխատելու, աչքի մակերեսը չորանալու, օդորակիչների առ կայության, հղիության, հասունացման շրջանի, այսինքն հորմոնալ տատանումների արդյունքում: «Եթե նախկինում պետք էր սպասել կերատոպլաստիկայի փոխպատվաստում,, հիմա արդեն 7-րդ տարին է մեր կոնտորնը կատարում է քրոսլինկինգ վիրահատությունը, որը կանխում է տեսողությանը վատթարացումը: 80 տոկոս դեպքերում ունենում ենք տեսողության լավացում,  հատուկ կոնտակտային ոսպնյակներ կրելու հնարավորություն և ակնոցների թվի նվազեցում»,- բացատրեց մասնագետը:

 Տեսողության պահպանման համար նա խորհուրդ տվեց կատարել աչքի վարժություններ, օգտագործել արհեստական արցունքներ` օրական կաթեցնելով 5-6 անգամ: Մյուս կողմից` մասնագետն այնքան էլ չի տեսնում պաշտպանիչ թաղանթով ակնոցների օգտակարությունը տեսողության պաշտպանման համար:

 Տեսողության և կուրության դեմ պայքարի համաշխարհային օրը նշվում է 1989 թվականից: Առողջապահության համաշխարհային կազմակերպության տվյալներով` աշխարհում շուրջ 285 մլն մարդ թույլ տեսողություն ունի, նրանցից 39 մլնը կույրեր են, նրանցից 19 մլնը` երեխաներ: Տեսողության խանգարումներ ունեցող մարդկանց 90 տոկոսը բնակվում է ոչ զարգացած երկրներում։ Կուրության հանգեցնող հիվանդաթյունների 80 տոկոս դեպքերում դրանք կանխարգելելի են: