Ռեստավրացիա Մեղրիի սահմանային անցակետում
ԲԼՈԳԿարինե Առաքելյանը ֆեյսբուքյան իր էջում գրում է.
Տրվել է «Մեղրիի սահմանային անցակետի արդիականացման» ծրագրի մեկնարկը: Սահմանային անցակետը հագեցվելու է ժամանակակից ենթակառուցվածքներով, որի շնորհիվ նախատեսվում է բարենպաստ պայմաններ ստեղծել բիզնեսի և ապրանքաշրջանառության համար: Մեղրիի սահմանային անցակետի արդիականացումը Հայաստանի հյուսիսային սահմանակետերի` Բագրատաշենի, Գոգավանի և Բավրայի արդիականացման ծրագրերի շարունակությունն է:
Վերափոխված շենքային պայմանները ժամանակակից չափանիշներին համապատասխան ընթացակարգեր կիրառելու հնարավորություն կստեղծեն: Մեղրիի անցակետի արդիականացմամբ կգործի «մեկ պատուհան» համակարգը, ինչի արդյունքում բեռնափոխադրողները և սահմանային անցակետը հատողները կշփվեն մեկ մարմնի հետ:
Նշենք, որ «Մեղրիի սահմանային անցակետի արդիականացման» ծրագիրն իրականացնում է ՄԱԿ-ը՝ ԵՄ-ի ֆինանսավորմամբ և Միգրացիոն քաղաքականության զարգացման միջազգային կենտրոնի աջակցությամբ: Ծրագրի նպատակն է ունենալ միջազգային չափանիշերին համապատասխանող սահմանային անցակետ, որը կնպաստի առևտրի և բիզնես միջավայրի բարելավմանն` այդ թվում ապահովելով մարդկանց դյուրին տեղաշարժը սահմանին: