«Պառկում էի գետնին ու լացում». Մերի Հովհաննիսյանը` հիվանդանոցում հայտնվելու մասին

Life.tert.am-ը գրում է.

 Պարուհի Մերի Հովհաննիսյանն օրերս հայտնվել է հիվանդանոցում։ Tert.am Life–ին հասած տեղեկությունները ճշտելու համար կապ հաստատեցինք պարուհու հետ։ Պարզվում է` «Դիմակահանդես» ներկայացման փորձի ժամանակ Մերին վնասվածք է ստացել, որն ավելի  է խորացել «Սպարտակ» ներկայացումը խաղալուց հետո։

 ««Դիմակահանդեսի» փորձի ընթացքում պահումի ժամանակ վնասվածք ստացա։ Ցավը սաստկանում էր, բայց որոշեցի ուշադրություն չդարձնել, հաջորդ օրը գնացի թատրոն` փորձի, սակայն չկարողացա փորձ անել, քանի որ արդեն չէի կարողանում շարժվել։ Երբ որոշեցի դադարեցնել փորձը, բեմում «Սպարտակ» ներկայացումն էր ընթանում։ Ուզում էի գնալ հանդիսատեսի շարքերում նստել, նայել, Մարիա Դիվանյանն ասաց, որ վնասվածք է ստացել, չի կարող շարունակել, պետք է ես պարեմ։ Ստիպված  էի փրկել ներկայացումը։ Երկրորդ գործողությունից հագուստը հագա, առանց համապատասխան գրիմի բարձրացա բեմ։ Շատ ուժեղ ցավ ունեի, պարում էի, գալիս էի հետնաբեմ, պառկում գետնին և լացում։ Պահումների ժամանակ նույն տեղը նորից սեղմվում էր ու սաստիկ ցավում։ Նույնիսկ ցավազրկող չկար, որ խմեի։ Հանդիսատեսը նկատել էր, որ պարուհին փոխվել է, սակայն չէր նկատել, թե ինչ ցավով եմ պարում։ Վերջում ջերմ արձագանքներ ստացա, սակայն ցավս այնքան էր ուժեղացել, որ մտածում էինք` կարող է ճաք լինել։ Ներկայացումից հետո այնքան վատ էի, որ միանգամից գնացի հիվանդանոց»,– պատմեց Մերին։
Ամբողջական հոդվածը կարող եք կարդալ այստեղ: