«Մաքուր Արմավիրի» մեկնարկը. 65 մլն եվրո ներդրում՝ 2017-ին
ԲԼՈԳԳործադիրում շարունակվում են քննարկել տարբեր ներդրումային ծրագրեր, որոնք ներկայացվում են համայնքների ներկայացուցիչների կողմից: Օրերս Արմավիրի փոխքաղաքապետը կառավարության ղեկավարին ներկայացրել է քաղաքում աղբի վերամշակման գործարանի կառուցման պատրաստի ծրագիրը, որի ընդհանուր արժեքը 65 մլն եվրո է: Ծրագրի առաջին փուլում նախատեսվում է 70 աշխատատեղի ստեղծում, ակնկալվում է, որ գործարանը տարեկան կընդունի 200 հազար տոննա աղբ: Ըստ Արմավիրի մազրպետի՝ աղբահանության գործընթացը կիրականացնի գործարանը:
Մեկ այլ ծրագրով էլ նախատեսվում է Արմավիրում գտնվող նախկին պահածոների գործարանի տարածքում հիմնել բանջարեղենի և մրգերի վերամշակման համալիր գործարան: Ծրագրի ընդհանուր առմամբ կարժենա 1,150 միլիարդ ՀՀ դրամ, որի արդյունքում կստեղծվի 120 աշխատատեղ, կարտադրվի 1000-1500 տոննա տոմատի մածուկ: Ըստ ծրագրի հեղինակների՝ սեփական ներդրումները կազմում են 400,000.000 ՀՀ դրամ, մնացած գումարը նախատեսվում է ձեռք բերել՝ ներգրավելով վարկային միջոցներ: Գործադիրի ղեկավարը կառավարության աջակցությունն է հայտնել և հորդորել է շարունակել բանակցություններն առևտրային բանկերի հետ:
Էկոնոմիկան թվերով / ֆեյսբուք