Ի՞նչ պետք է իմանալ հարաբերություններ սկսելուց առաջ

Ի՞նչ պետք է իմանալ հարաբերություններ սկսելուց առաջ։

1. «Երբեք մի վախեցիր տղամարդուն կորցնելուց»

Նրանից ավելի լավին կարելի է գտել։ Սակայն նույնիսկ եթե նա լինի վերջին տղամարդը, ո՞վ ասաց, որ դու առանց նրա չես կարող ապրել։

2. «Նույնիսկ եթե միայնակ ես, ձեւացրու, որ այդպես չէ».

Միայնակ կանանց սիրահետելն այնքան էլ հետաքրքիր չէ տղամարդկանց։

3. «Հանդիպիր նրա հետ, ով նաեւ լավ ընկեր է քեզ համար» 

Միգուցե տարօրինակ է հնչում, բայց պետք է գտնել մեկին, որը ոչ միայն լավ զուգընկեր, այլեւ լավ ընկեր է քեզ համար։ Այդպես ձեր զգացմունքներն ավելի խորը կլինեն։  

4. «Ուշադրություն դարձրու արդյոք նա քույր ունի, թե ոչ, եւ ինչպես է վերաբերում նրան»

Տղամարդիկ, ովքեր քույր ունեն, ավելի լավ են հասկանում կանանց։ Նրանք մի ամբողջ կյանք են անցկացրել իրենց քույրիկի հետ եւ գիտեն, թե ինչպես է պետք լեզու գտել կանանց հետ։

5.«Փորձիր հետաքրքիր անձնավորություն լինել ընկերոջդ համար»

Նոր հոբբի գտիր, հետաքրքիր գրքեր կարդա, համերգների գնա, նոր հորիզոններ բացահայտիր քեզ համար, նոր ընկերներ ձեռք բեր եւ այլն։ Այս ամենը կօգնեն ավելի հետաքրքիր դարձնել քո ու քո ընտրյալի կյանքը։

6. «Եթե նա առանց բացատրություններ տալու լքել է քեզ, իմացիր, որ այդպես շատերի հետ է պատահում։ Նա պարզապես դեռ չի հասունացել»

Շատ երիտասարդներ ուղղակի խուսափում են հրաժեշտի խոսքերից եւ առանց բացատրություններ տալու հեռանում են։ Այո, շատ տգեղ քայլ է, որն ապացուցում, որ տղամարդը այդքան չի հասունացել, որ կարողանա ասել, թե ինչու չի ցանկանում քո կողքին մնալ։

7. «Տղամարդիկ սիրում են կանանց, ովքեր բիլիարդ խաղալ գիտեն»

Եթե կնոջ եւ տղամարդու հետաքրքրությունները համընկնում են, ուրեմն նրանք տարաձայնություններ գրեթե չեն ունենա։

8. «Եթե նա հստակ չի ասում, թե երբ կարող եք հանդիպել, մի նստիր եւ սպասիր նրան»

Զբաղվիր քո գործերով, քանի որ երկար ես սպասելու։ Եթե նա ցանկանա, դուք անպայման կհանդիպեք։ Իսկ մինչ այդ, ժամանակդ անտեղի մի կորցրու։

9. «Մի անհանգստացիր. կամ ձեւացրու, որ չես անհանգստանում»

10. «Համարձակ եղիր»

Դու կարող ես ամբողջ կյանքում սպասել, որ տղամարդն անի առաջին քայլը։ Սակայն եթե նա չի փորձում նախաձեռնողի դերում լինել, ինչ-որ տեղ հրավիրիր նրան։ Նույնիսկ եթե նա մերժի, դու վերջապես կհասկանաս նրա միտքն ու առաջ կանցնես։