Ֆրանսիայի նախագահական ընտրություններն ընթանում են անվտանգության ուժեղացված պայմաններում

Ֆրանսիայի նախագահական ընտրություններն ընթանում են անվտանգության ուժեղացված պայմաններում: Այդ մասին գրում է ТАСС-ը՝ վկայակոչելով ֆրանսիական լրատվամիջոցներին:

Ինչպես հայտնել է երկրի ներքին գործերի նախարար Մաթիաս Ֆեկլը, ոստիկանությանը լրացուցիչ հանձնարարականներ են տրամադրվել առավելագույն անվտանգության պայմաններում քվեարկությունն ապահովելու համար: Ֆրանսիայի ՆԳՆ տվյալներով՝ նախագահական ընտրությունների ժամանակ քվեարկության ընթացքում կարգի պահպանությանը հսկելու է ավելի քան 50 հազար ոստիկան:

Երկրի մայրաքաղաքում կարգը պահպանում է մոտ 12 հազար ոստիկան և զինվորական: 896-ից ավելի քան 500 ընտրատեղամասում ուժեղացվել է հսկողությունը:

Քաղաքի կենտրոնական թաղամասերում ընտրական հանձնաժողովների մուտքի մոտ հսկում են իրավապահ մարմինների և մասնավոր անվտանգության ընկերությունների աշխատակիցները, որոնք մետաղական դետեկտորների օգնությամբ զննում են տեղամաս բոլոր մտնողներին:

 Ավելի վաղ հաղորդվել է, որ Ֆրանսիայում տեղի ժամանակով 08:00-ին բացվել են նախագահական ընտրությունների 2-րդ փուլի համար ընտրատեղամասերը:

երկրի ղեկավարի պաշտոնին են հավակնում «Առա՛ջ» շարժման առաջնորդ Էմանուել Մակրոնն ու «Ազգային ճակատ» կուսակցության նախագահ Մարին Լը Պենը:

Մակրոնն ընտրությունների առաջին փուլում հավաքել էր ձայների 24.01%-ը, իսկ Լը Պենը՝ 21.3%-ը:

Ավելի վաղ անցկացված սոցհարցումների արդյունքները վկայում են, որ 2-րդ փուլում ֆրանսիացիների 60%-ից ավելի պատրաստվում է քվերակել հօգուտ Մակրոնի: