Դոլարայնացման մակարդակի հետագիծը ՀՀ-ում
ԲԼՈԳՍեդա Ադամյանը ֆեյսբուքյան իր էջում գրում է.
ԿԲ-ի հրապարակած տվյալներից տեղեկանում ենք, որ 2017 թվականի առաջին եռամսյակի ընթացքում դոլարայնացման մակարդակը Հայաստանում փոքր-ինչ նվազել է։ Ռեզիդենտների արտարժութային ավանդների և փողի զանգվածի հարաբերակցությունը (D1) 2017 թվականի մարտի վերջին կազմել է 48.7%՝ 2016 թվականի փետրվարի վերջին 49.2%-ի դիմաց։ Իսկ ռեզիդենտների արտարժութային ավանդների և ռեզիդենտների ընդհանուր ավանդների հարաբերակցությունը (D2) 59.9%-ից նվազել է մինչև 58.8%:
Ռեզիդենտ ֆիզիկական անձանց արտարժույթով ժամկետային ավանդների կշիռը ռեզիդենտ ֆիզիկական անձանց ընդհանուր ժամկետային ավանդներում (D4) 71.5%-ից նվազել է մինչև 70.1%: 0.8 տոկոսային կետով նվազել է նաև վարկերի դոլարայնացման մակարդակը։ Այսպես, ռեզիդենտ իրական հատվածին արտարժույթով տրամադրված վարկերի և ռեզիդենտ իրական հատվածին տրամադրված ընդհանուր վարկերի հարաբերակցությունը (D5) 65%-ից նվազել է մինչև 64.2%:Դոլարայնացման մակարդակը նախորդ տարվա վերջի համեմատ աճել է միայն արտարժույթով ցպահանջ ավանդների գծով։ Ռեզիդենտ ֆիզիկական անձանց արտարժույթով ցպահանջ ավանդների կշիռը ռեզիդենտ ֆիզիկական անձանց ընդհանուր ցպահանջ ավանդներում (D3) 49.2%-ից աճել է մինչև 50%։