Ինչպես` Տիմատին Քրիստինա Սիի համար ընտրեց Սիլվա Հակոբյանի «Գիշեր է» երգը

Life.tert.am-ը գրում է.

 Tert.am Life–ն իր ընթերցողներին պատմել է, որ Քրիստինա Սին արդեն Հայաստանում է։ Վաղը կայանալիք համերգի ժամանակ երգչուհին կկատարի նաև հայերեն երգ։ Նա ընտրել է Սիլվա Հակոբյանի «Գիշեր է» ստեղծագործությունը։ Մանե Հակոբյանի հեղինակային երգը ժամանակին մեծ հաջողություն բերեց Սիլվային, թե ինչ հաջողություն կունենա Քրիստինայի կատարմամբ, կիմանանք վաղը։

 Tert.am Life–ն այս մասին զրուցել է Սիլվայի հետ։ Պարզվում է` նա առաջիններից մեկն է եղել, ով ունկնդրել է երգը Քրիստինայի կատարմամբ։ «Մենք ընդհանուր ծանոթ ունենք, ով ձայնագրման ստուդիայից ինձ ուղարկեց երգը Քրիստինայի կատարմամբ։ Մենք անձամբ ծանոթ չենք, սակայն երբ ինձ ուղարկեցին, ասացի` փոխանցեն, որ իր մոտ շատ լավ  ստացվում։ Իսկապես, շատ գեղեցիկ տեմբր ունի, նա էլ շնորհակալություն հայտնեց»,– պատմեց երգչուհին։

Քրիստինան այսօր ասաց, որ հայերեն չգիտի և իր համար փոքր–ինչ բարդ է կատարել այս երգը։ Ոչ հայկական շեշտադրումը Սիլվային դուր է գալիս։ Ըստ նրա` դա յուրահատկություն է հաղորդում կատարմանը։ «Ինձ հաճելի է երգս լսել ակցենտով։ Անգամ, եթե ինչ–որ բառ սխալ են ասում, այնքան համով են երգում, որ  քեզ չի խանգարում։ Կարծում եմ` դա երգի մեջ «իզյումինկա» է դառնում։ Առանց ակցենտի հնարավոր չէ։ Որքան էլ ջանում ենք խուսափել դրանից,  մենք էլ ենք ակցենտով երգում, երբ ռուսերեն կամ անգլերեն ենք երգում»,– նշեց երգչուհին։
Ամբողջական հոդվածը կարող եք կարդալ այստեղ։