Գերմանիայի ֆինանսների նախարարն առաջարկել Է ստեղծել եվրոգոտու երկրների խորհրդարան

Գերմանիայի ֆինանսների նախարար Վոլֆգանգ Շոյբլեն հանդես Է եկել եվրոգոտու երկրների խորհրդարան ստեղծելու նախաձեռնությամբ՝ եվրոպական ինտեգրացումն ուժեղացնելու համար:

«Ես այդ մասին խոսել եմ Էմանուել Մակրոնի հետ. Եվրախորհրդարանի անդամների հետ կարելի Է ստեղծել եվրոյի գոտու խորհրդարան, որը խորհրդատվական աջակցություն կցուցաբերեր Եվրոպայի կայունացման մեխանիզմին»,-հաոյտարարել Է Շոյբլեն իտալական La Repubblica թերթին տված հարցազրույցում:

Գերմանացի նախարարը մեկնաբանել Է Ֆրանսիայի նորընտիր նախագահի տնտեսական ծրագրի «եվրոպական» կետերը, մասնավորապես, միասնական ֆինանսական նախարարության կազմակերպման եւ եվրոգոտու ընդհանուր բյուջեի ստեղծման վերաբերյալ: 

«Նախագահ Մակրոնը եւ ես լիովին համակարծիք ենք, որ եվրոգոտու ամրապնդման համար կա երկու եղանակ՝ փոխել (ԵՄ-ի համար հիմնարար Հռոմի համաձայնագրի) Տրակտատները  կամ դա անել միջկառավարական շփումների պրագմատիկ ճանապարհով: Տրակտատների փոփոխումը կպահանջի միահամուռություն եւ ազգային խորհրդարանների հավանությունը, իսկ մի քանի երկրներում նաեւ հանրաքվեի անցկացում: Բայց քանի որ ներկա պահին դա իրատեսական չԷ, այժմ մենք պետք Է փորձենք առաջ գնալ՝ օգտագործելով առկա գործիքները»,-հավելել Է Շոյբլեն, որը մայիսի 11-ից մինչեւ 13-ը մասնակցում Է «մեծ յ ոթնյակի» ֆինանսների նախարարների եւ կենտրոնական բանկերի ղեկավարների՝ իտալական Բարիում ընթացող հանդիպմանը: 

Ավելի վաղ ԳՖՀ-ի կանցլերի թեկնածու, Գերմանիայի սոցիալ-դեմոկրատական կուսակցության առաջնորդ Մարտին Շուլցը ZEIT պարբերականին տված հարցազրույցում հանդես Է եկել եվրոգոտու պետությունների ընդհանուր բյուջեի ստեղծման օգտին: 

«Եթե Եվրախմբի պետությունները պետք Է լուծեն ընդհանուր խնդիրներ, ապա բյուջեի համատեղ ֆինանսավորումն իմաստ ունի»,-ասել Է Շուլցը: Նա հավելել Է, որ «ոչինչ չխոստացող եւ անարդյունք գագաթնաժողովների հավերժական ռիթմից դուրս գալու համար մեզ ռազմավարություն Է հարկավոր տնտեսության աճն արագացնելու եւ եվրոգոտում աշխատատեղերն ավելացնելու համար»: Եվրոգոտու երկրների զարգացումը հարկավոր Է բոլոր նրանց, ովքեր «չեն պաշտպանում սահմանափակումների քաղաքականությունը, որը վարում Է ԱՄՆ-ը, եւ Brexit-ի հաղթանակը», նշել Է Շուլցը:

Նա հայտարարել Է, որ իր նախընտրական արշավում մտադիր Է կողմնորոշվել դեպի Ֆրանսիայի նորընտիր նախագահ Էմանուել Մակրոնը, որի եվրոպամետ դիրքորոշումը հաղթեց: «Ես նույնպես պատրաստվում եմ դա անել»,-ասել Է Շուլցը, հաղորդել Է ՌԻԱ Նովոստին: