Էյնշտեյնի ամենահայտնի լուսանկարի ոչ այդքան հայտնի պատմությունը

Blognews.am-ը գրում է.

Լուսանկարն արվել է Էյնշտեյնի 72-ամյակի օրը՝ 1951 թվականի մարտի 14-ին՝ Փրինսթոնում իր պարգևն ստանալուց հետո։ Մինչ Էյնշտեյնը քայլում էր Ֆրանկ Այդելոթի ու Առաջադեմ ուսումնասիրությունների ինստիտուտի նախկին ղեկավար տիկին Այդելոթի հետ, լրագրողները հետևում էին նրան՝ փորձելով լուսանկարել։

United Press International-ի լուսանկարիչը՝ Արթուր Սեսսը, սպասեց մինչև լրագրողներն անեն իրենց լուսանկարները, և երբ նրանք ցրվեցին, նա մոտեցավ մեքենային ու ասաց. «Պրոֆեսո՛ր, ժպտացե՛ք Ձեր ծննդյան լուսանկարի համար, դե՞»։ Էյնշտեյնը, մտածելով, որ լուսանկարիչը չի հասցնի լուսանկարել, լեզուն դուրս հանեց ու արագ շրջեց գլուխը մի կողմ։ Հավանաբար Էյնշտեյնը հենց այդ ժեստը ընտրեց՝ լուսանկարը փչացնելու համար։ Բայց դա հակառակ արդյունքը տվեց։

Սկզբնական նկարում մեքենայի ներսից երևում էին նաև պարոն ու տիկին Այդելոթների դեմքերը, բայց Էյնշտեյնն ինքն է կտրել նկարը։ Նա այնքան շատ էր հավանել լուսանկարը, որ իր ընկերներին դրանով բացիկներ էր ուղարկում։ Նա UPI-ին խնդրեց նկարի 9 պատճեն տալ իրեն՝ անձնական օգտագործման համար, ու դրանցից մեկը ստորագրել է ու տվել մի լրագրողի։ 2009 թվականի հունիսի 19-ին սկզբնական ստորագրված լուսանկարը վաճառվեց աճուրդում՝ 74,324$-ով, ինչը ռեկորդ էր Էյնշտեյնի լուսանկարների համար։