Ովքեր են հայ մոդելները (լուսանկարներ)

Wnews.am-ը գրում է.

Հայաստանում մոդելային բիզնեսը կարծես թե զարգանում է։ Վերջին շրջանում հաճախակի են նորաձեւության ցուցադրությունները, որոնցում ներկայացվում են հայ մոդելավորողների հավաքածուները։
Պետք է նկատել, որ բոլոր նորաձեւության ցուցադրություններին տեսնում ենք միեւնույն մոդելներին. ինչպես մոդելավորողներին կարելի է մատների վրա հաշվել, այնպես էլ մոդելներին։
Իհարկե, բոլորս էլ Facebook սոցիալական կայքում հանդիպում ենք աղջիկների, այսպես ասած, կիսապրոֆեսիոնալ լուսանկարներ, սակայն նրանց մոդել անվանելը ճիշտ չէ։

Wnews.am-ը ներկայացնում է հայ մոդելներից առավել ճանաչվածներին, որոնց հաճախ հանդիպում ենք նորաձեւության ցուցադրություններում, ամսագրերի ֆոտոշարքերում, գովազդում, տեսահոլովակներում, մոդելային մրցույթներում եւ այլն։
Աննա Գրիգորյան

\

Հատկապես վերջին շրջանում նա, կարելի է ասել, Հայաստանի ամենաճանաչված մոդելներից է ։ Աննան հայտնի դարձավ հեռուստատեսությամբ հաղորդում վարելուց հետո։ Այժմ նա մասնակցում է նորաձեւության բոլոր ցուցադրություններին, հանդիսանում այս կամ այն ապրանքանիշի դեմք, նկարահանվում սիթքոմում։

Մինչ հեռուստատեսությունում աշխատելը, Աննան աշխատել է սրճարաններից մեկում, չի խուսափում այդ մասին խոսել, այդտեղից էլ սկսել է նկարահանվել տարբեր գովազդներում ու որպես հաղորդավար կատարել է իր առաջին քայլերը։

 

Մարիկա Թունյան

Մարիկան մոդելային ասպարեզում է արդեն երկար տարիներ։ Նուրբ ու կանացի Մարիկան հասցրել է մասնակցել բազմաթիվ մրցույթների, եղել է տարբեր ապրանքանիշերի դեմքը։ Ի դեպ, Մարիկան մասնագիտությամբ իրավաբան է։
«Ես բավականին վաղ տարիքում` 14 տարեկան հասակում սկսել եմ աշխատել որպես մանեքենուհի, իսկ աշխատել ասելով ես նկատի ունեմ կատարած աշխատանքի դիմաց գումար վաստակելը: Ամեն ինչ սկսվեց տեղական գեղեցկության մրցույթից, որին մասնակցելու ինձ տարավ մայրիկս, երբ 13 տարեկան էի: Առաջին մրցույթում ոչ մի տեղ չզբաղեցրի, բայց ինձ նկատեցին այդ տարիներին դեռ գործող Հայաստանի նորաձևության տան գործակալները և առաջարկեցին մասնակցել ցուցադրությունների: Երբ ստորագրում էի պայմանագիրս, նկատեցի, որ մասնակցության դիմաց գումար է նշված և հարցրի` արդյոք ե՞ս եմ վճարելու…, գործակալները ժպիտով նշեցին, որ իհարկե ոչ, մենք ենք ձեզ վճարելու»,- պատմել է Մարիկան։

Վերջերս կայացավ Մարիկայի հարսանիքը։ Նրա ամուսինը Ռուբեն Ասոյանն է, ով աշխատում է տեղեկատվական տեխնոլոգիաների ոլորտում:

 

Լիլիթ Մարտիրոս

 

Լիլիթ Մարտիրոսը ծնվել եւ մեծացել է Գյումրիում։
Սովորել է օտար լեզուների ֆակուլտետում։ Տիրապետում է ռուսերենին, անգլերենին, պարսկերենին եւ իսպաներենին։
Ինչպես մոդելն է նշել, կրթությունը մեծ դեր ունի իր կյանքում։

«Երբեք չեմ մտածել մոդել դառնալու մասին, ոչ էլ մանկությանս երազանքն է եղել։ Ամեն ինչ շատ պատահական ու գեղեցիկ է սկսվել։ 2012 թվականին մայրիկիս խորհրդով մասնակցեցի «Միսս Հայաստան» մրցույթին՝ ներկայացնելով Շիրակի մարզը, եւ ընդգրկվեցի լավագույն տասնյակում։ Չտխրեցի, ինձ համար իրական մեծ հաղթանակն այն էր, որ դահլիճում նստած էր Հայաստանի լավագույն մոդելային գործակալության՝ «Ատեքսի» տնօրեն Օլգա Լավրիենկոն, ով նկատելով ինձ, առաջարկեց պայմանագիր կնքել։ «Ատեքսի» մոդելային դպրոցում սովորեցի վեց ամիս եւ մինչ օրս մենք միասին ենք աշխատում»,- պատմել է Լիլիթը։

 

Սեդա Սերոբյան

Սեդան մոդելային ոլորտում է արդեն ինը տարի։ 2011 թվականին Իսպանիայում “Best Model World” մրցույթում գրավել է առաջին հորիզոնականը` արժանանալով “Լավագույն մարմին” տիտղոսին:
Միջազգային մրցույթներում երկու անգամ “Best Body” տիտղոսին արժանացած լրագրող-պարուհին կարծում է, որ իր համարձակ լուսանկարները շատ սովորական ու պարտադիր են պրոֆեսիոնալ մոդելի համար:

 

Անուշիկ Մանուկյան

Նորաձեւության ցուցադրություններում ու երգերի տեսահոլովակներում հաճախ կարելի է հանդիպել նաեւ պարուհի եւ մոդել Անուշիկ Մանուկյանին։

Նա ծնվել է 1993թ. օգոստոսի 19-ին, Երևանում: 4 տարեկան հասակից պարել է ծնողների ղեկավարած «Փոքրիկ երևանցիներ» պարային համույթում, որի շրջանակներում հյուրախաղերով եղել է եվրոպական մի շարք երկրներում: 17 տարեկանում եղել է Վ.Խանամիրյանի անվան «Բարդիներ» պարային անսամբլի մենակատար:
2008-11թթ սովորել է Երևանի պարարվեստի ուսումնարանում:

Անահիտ Հարությունյան

1.78 սմ հասակով 23-ամյա մոդել Անահիտ Հարությունյանն իր անկեղծ լուսանկարները համարում է ոչ թե համարձակության, այլ աշխատանքին պրոֆեսիոնալ մոտեցման արդյունք։

«Նորաձեւության ոլորտ մուտք գործեցի, երբ 17 տարեկան էի: Սկսեցի հաճախել “Ատեքս” նորաձեւության կենտրոնի մոդելային դպրոց: Դասընթացները գերազանց ավարտելուց հետո դարձա կենտրոնի ռեզիդենտ մոդել: Դեռ մանկուց ինձ գրավել էր այդ ոլորտը: Վաղ հասակից հետեւում եմ միջազգային պոդիումների անցուդարձին եւ միշտ զգացել եմ, որ նորաձեւությունն իմ տարերքն է»,- հարցազրույցներից մեկում պատմել է Անահիտը։

 

 

 

 

 

 

 

Շուշան Երիցյան

 

 

 

 

 

 

Ավարտել է Երևանի պետական համալսարանի միջազգային հարաբերությունների բաժինը: Սովորել է «Քասթինգ» ստուդիայում: Ընդունվել է նաև Պետական կառավարման ակադեմիա, սակայն ուսումն անավարտ է թողել:

Դեռևս մանկուց ինձ գրավել է բեմը, արվեստը և արվեստի հետ կապված գրեթե ամեն ինչ։ Դա երազանք էր, որն իրականացավ,- պատմել է մոդելը։

Ես վիրահատել եմ միայն քիթս և այդ հանգամանքը երբեք չեմ էլ թաքցրել,- իր վիրահատությունների մասին լուրերն այսպես է մեկնաբանել Շուշանը։