Մթերքներ, որոնք պետք է լինեն յուրաքանչյուր կնոջ սննդակարգում

Առողջ սնունդը կարևոր է երկու սեռերի համար էլ, բայց տղամարդիկ և կանայք տարբեր պահանջմունքներ ունեն սննդի հարցում՝ հայտնում է allwomen.net.ua-ն: Յուրաքանչյուր կին իր սննդակարգում պետք է ներառի հետևյալ մթերքները.

Կտավատի սերմեր
Ամեն օր կտավատի սերմ օգտագործելն օգտակար է առողջության համար: Դա օմեգա-3 ճարպաթթուների լավ աղբյուր է, որոնք նվազեցնում են սրտանոթային հիվանդությունների և կրծքագեղձի քաղցկեղի ռիսկը: Այն ունի նաև հակաբորբոքային հատկություններ, կանխում է արտրիտը, օգնում է մարսողությանը՝ թեթևացնելով գրգռված աղու համախտանիշը:

Սաղմոն
Սաղմոնը հարուստ է երկաթով, որը սովորաբար պակասում է կնոջ օրգանիզմին, նաև օմեգա-3 ճարպաթթուներով, որոնք նաև նպաստում են տրամադրության լավացմանը: Փորձագետների խոսքով՝ այն օգնում է բուժել ընկճախտն ու կանխել տրամադրության անկումը:

Լոռամիրգ
Շատ հետազոտությունների արդյունքներ հաստատում են, որ լոռամիրգը նվազեցնում է կրծքագեղձի քաղցկեղի և սրտանոթային հիվանդությունների ռիսկը: Լոռամիրգը և լոռամրգի հյութը միզուղիների վարակների կանխարգելման և բուժման հրաշալի միջոց են:

Սպանախ
Սպանախը պարունակում է մեծ քանակությամբ վիտամիններ և հանքանյութեր, հարուստ է մագնեզիումով, ինչն օգնում է նվազեցնել այտուցները, կրծքագեղձի ցավերը, որովայնի փքվածությունը, քաշի ավելացումը:

Հունական ընկույզ
Փորձագետները պնդում են, որ հունական ընկույզը պարունակում է օմեգա-3 ճարպաթթուներ, հակաօքսիդանտներ և ֆիտոստերոլներ, որոնք կարևոր են կրծքագեղձի քաղցկեղի ռիսկի նվազեցման համար: Օմեգա-3-ի մեծ պարունակությունն առողջացնում է ոսկորները՝ նվազեցնելով արտրիտի և ընկճախտի ռիսկը: Հունական ընկույզը նաև հարուստ է կալցիումով, մագնեզիումով, ֆոլաթթվով:

Վարսակ
Վարսակը ևս հարուստ է սննդանյութերով, որոնք օգնում են սիրտն առողջ պահել, լավացնում է մարսողությունը, նորմալացնում զարկերակային ճնշումը: Նաև պարունակում է վիտամին В6, որն օգնում է կանխել տրամադրության անկումը: Դրանում պարունակվող ֆոլաթթուն կանխում է երեխաների բնածին թերությունները և կարևոր նշանակություն ունի կանանց համար հղիության ժամանակ և դրանից հետո:

Կաթ
Կաթը բացարձակ անհրաժեշտություն է ցանկացած տարիքի կնոջ համար: Այն պարունակում է կալցիում, որը D վիտամինի համադրությամբ օստեոպորոզի կանխարգելման լավագույն միջոցներից է:

Լոլիկ
Լիկոպինը, որն ապահովում է որոշ մթերքների գույնը, ինչպիսին լոլիկն է, ևս կարևոր է առողջության համար: Գիտնականների պնդմամբ՝ լիկոպինը կարող է օգնել կանխել կրծքագեղձի քաղցկեղն ու նվազեցնել սրտային հիվանդությունների ռիսկը:

Աղբյուրը՝ blog.1in.am