Մերօրյա Փանջունին

ՎԵՐԼՈՒԾԱԿԱՆ 30 Մայիս, 2017 15:30

Մեր օրերում կան բազմաթիվ ընկեր Բ. Փանջունիներ: Բ տառը, սույն դեպքում, ընթերցողը կարող է ընկալել իր հայեցողությամբ: Բայց այն, որ Օտյանի այդ հանճարեղ ստեղծագործությունն արդիական է բոլոր ժամանակներում, ու հատկապես հայկական իրականության համար, կարծես թե փաստ է:

Հակառակ իր խոսելու մարմաջին՝ փոքրիկն Փանջունի հաճախ սխալ կը գործածեր բառերը, բոլորովին աղավաղելով անոնց նշանակությունը։ Օր մը սեղանի մը վրա դրված արժեքավոր անոթ մը կ'առնե ու գետին նետելով ջարդ ու փշուր կ'ընե։

Հայրը, իրիկունը գործեն վերադարձին, կը տեսնե եղածը և տղան կանչելով ու անոթին կտորտանքները ցույց տալով կը գոչե.
thumb
— Ծո՛, ի՞նչ ես ըրեր անոթը։
— Շինեցի, հայրի՛կ,— կը պատասխանե փոքրիկ Փանջունի միամիտ համոզումով մը։
— Ծո ի՜նչ շինել, կոտրեր ես, շա՛ն զավակ։
— Չէ՛, հայրիկ, շինեցի,— կը պնդե տղան։

Ներողություն ենք խնդրում, որ սույն դեպքում, իգական սեռի դարակազմիկ միտքը համեմատում ենք տղամարդկային ասոսացիա առաջացնող ստեղծագործության հետ, բայց կարևորը բովանդակությունն է:

ԱԺ ՀՀԿ խմբակցության պատգամավոր Ռուզաննա Մուրադյանը՝ պատասխանելով Aravot.am-ի այն հարցին, թե ինչո՞ւ են դատարկվել դպրոցները, ո՞ւր են աշակերտները, ասել է. «Դպրոցները չեն դատարկվել, աշակերտների թիվն է պակասել»:
Ենթադրում ենք, որ սույն տիկինը, բուհում ուսանելու տարիներին, չի անցել այնպիսի առարկա, ինչպիսին տրամաբանությունն է: Հայտնի հումորի նման, եթե տանն ակվարիում չունես, ուրեմն ` համասեռամոլ ես:

Սակայն, տիկինը խտացումն է իշխող հանրապետական վերնախավի, որոնցից շատերը չեն կարողանում որևէ հոդաբաշխ միտք արտաբերել: Այս նույն տիկնոջ տրամաբանությամբ, Հայաստանից չեն արտագաղթում, պարզապես գնում են:

Կամ ` դա բռնաբարություն չէ, այլ ստիպված հարկադրաբար գործողություն:
Կներեք, Ձեզ ո՞վ է ստիպում հարցազրույցներ տալ, որ մի հատ էլ, հայտնվեք մառազմատիկ իրադրությունների ուղիղ առանցքում:

Ձեր կուսակցության մեջ կան լուրջ գործարար, բայց ձկան նման լուռ մարդիկ, գոնե նրանցից օրինակ վերցրեք:

Մարիա Պախուցկայա