Արհեստական թարթիչներ ամրացնելու 6 կանոն, որ պետք է իմանա յուրաքանչյուր աղջիկ

Խիտ ու երկար թարթիչները բոլոր աղջիկների երազանքն են: Թարթչաներկի գովազդներում մոդելները հենց արհեստական թարթիչների շնորհիվ այդպիսի արտահայտիչ հայացք ունեն:

Tochka-ն գրում է, որ աղջիկներին թվում է, թե արհեստական թարթիչներ ամրացնելը շատ հեշտ է, սակայն որոշ նրբություններ չիմանալու պատճառով այդ գործընթացը կարող է երկարատև ու տանջալի դառնալ:

Ահա արհեստական թարթիչներ ամրացնելու մի քանի կանոն, որոնց մասին պետք է իմանան բոլոր աղջիկները:

 

1. Առաջին հերթին դիմահարդարումը մաքրելու քսուքի միջոցով յուղազրկեք կոպերը: Միայն այս դեպքում կկարողանաք սոսնձել թարթիչները:

 

2. Արհեստական թարթիչներ գնելիս ուշադրություն դարձրեք դրանց երկարությանը: Եթե դրանք ավելի երկար են, քան ձեր թարթիչները, կտրեք ավելորդ հատվածները:

3. Ձեռքի վրա մի փոքր հատուկ սոսինձ լցրեք ու տարածեք թարթիչների հիմքի հատվածին: Սպասեք մինչև սոսինձը փոքր–ինչ ամրանա:

4. Մեջտեղից բռնեք արհեստական թարթիչն ու ամրացրեք: Սկսեք ամրացնել աչքի ներսի անկյունից ու աստիճանաբար սեղմելով ամբողջովին ամրացրեք դրանք: Վերջում փոքրիկ փայտիկով զգուշությամբ սեղմեք, որպեսզի ավելի լավ կպնի:

5. Ամրանալու հատվածում սև մատիտ քսեք, որպեսզի թաքցնեք սոսնձի բոլոր հետքերը:

6. Թարթչաներկ տարածելու ընթացքում զգուշությամբ բռնեք թարթիչները, որպեսզի չպոկվեն: