Սիրելի ծաղիկը կպատմի ձեր բնավորության մասին

Ծաղիկները հատկապես կանանց կյանքում հետաքրքիր դեր են կատարում, քանի որ մեզանից շատերի համար հաճելի է, երբ ծաղիկներ են նվիրում:  Գրեթե յուրաքանչյուր կին և աղջիկ ունի սիրելի ծաղիկ: Պարզվում է, որ դրանք շատ բան կարող են պատմել մեր անձի մասին:  

Արևածաղիկ Այս ծաղիկները նախընտրող մարդը հավատարիմ է այն ամենին, ինչի հետ կապված է իր կյանքը: Սա վերաբերվում է սիրուն, ընկերությանը և անգամ հետաքրքրություններին: Արևածաղիկ-մարդը սիրում է զվարճանքներ, նա իսկապես դրանցից գլուխ է հանում: Այս մարդկանց շարքում հաճախ հանդիպում են կարիերիիստներ և շատ նպատակասլաց մարդիկ:  

Լիլիա Այս մարդիկ բացարձակ զուրկ են ինքնաքննադատությունից: Նրանք շատ ինքնավստահ են: Իրենց լավագույնն են համարում ամեն ինչում. նրանք թագավորներ ու թագուհիներ են: Սիրում են արվեստն ու դրա հետ կապված ամեն ինչ: Շատ լավ ընկալում են մյուսների տրամադրությունն ու էմոցիաները: Այս մարդկանց շարքում շատ են հանդիպում սուտասաններ: Սիրում են թանկ զարդեղեն և շքեղ հագուստ:  

Կակաչ Լիլիաների հետ նման են իրենց բարձր ինքնագնահատակով, սակայն մյուս հարցերում ուղիղ հակառակն են: Տարբերվում են հավատարմությամբ և հաստատունությամբ: Ճկուն են և նրբազգաց: Վստահելի ընկերներ և ամուսիններ են: Հանգիստ են տանում կյանքի բոլոր դժվարություններն ու երազում են իդեալական աշխարհի մասին:  

Երիցուկ Միշտ հասնում են իրենց նպատակներին: Շատ համառ են և կանգ չեն առնում ոչ մի դժվարության առջև: Եթե սիրում են` մինչև կյանքի վերջ, եթե չէ` ուրեմն անիմաստ է սպասելը: Նրանք երբեք խոսքի տակ չեն մնում:  

Պիոն Ահա թե ով է իրականում հակասական ամեն ինչում: Հաճախ նրանք բազում չիրականացված երազանքներ ունեն, քանի որ ուզում են ամեն ինչ ու միանգամից, իսկ ահա դրանց հասնելու համար ոչինչ չեն ուզում կամ չեն կարողանում անել:  

Վարդ Կարողանում են ընդհանուր լեզու գտնել բոլորի հետ: Շատ փառասեր են և իրենց նպատակներին հասնում են հնարավոր բոլոր մեթոդներով: Գիտեն սիրել: Նրանց կամքի ուժը շատ է զարգացած, այս մարդիկ ինչ-որ մի ոլորտում իրենց շատ վառ արտահայտում են: Բավականին հպարտ են:  

Քրիզանթեմ Ճիշտն ասած ձանձրալի մարդ է: Ընդմիշտ փորփրում են իրենց ներաշխարհում, իրենց իրենց անդադար հարցեր են տալիս: Այդ հարցերով տանջում են նաև մյուսներին: Երբեմն նրանք շատ դժվարությամբ են ուրիշների հետ լեզու գտնում: