ԱՄՆ-ում քաղաքների զարգացման մասնագետներն առաջարկել են Համացանցը դասել բազային ծառայությունների թվին

Քաղաքների զարգացման մասնագետների՝ Նյու Յորքում բացված խորհրդաժողովի մասնակիցները խորհուրդ են տվել Համացանցին լայնաշերտ միացումը ներառել բազային կոմունալ ծառայությունների թվում: Այս մասին, ինչպես տեղեկացնում Է «Արմենպրես»-ը, ասված Է այն հայտարարության մեջ, որը հունիսի 6-ին հրապարակվել Է «Ինտելեկտուալ հանրակցության համաժողով» (Intelligent Community Forum, ICF) կազմակերպության կայքում, որն անցկացնում Է միջոցառումը: 
Ինչպես հետեւում Է փաստաթղթից, խորհրդաժողովի մասնակիցները հավանություն են տվել այն բանձեւին, որն ամբողջ աշխարհի քաղաքների իշխանություններին կոչ Է անում «մատչելի գնով Համացանցի լայնաշերտ միացումը» ճանաչել բնակչությանը տրամադրվող բազային կոմունալ ծառայություններից մեկը: Մասնագետները նաեւ նշել են, որ համաշխարհային ցանցին այդ միացման առկայությունը տնտեսական աճի եւ կենսամակարդակի բարձրացման հանգուցային գործոններից մեկն Է: 
ICF-ի խորհրդաժողովը Նյու Յորքում բացվել Է հունիսի 6-ին: Դրան մասնակցում են մի քանի տասնյակ, մեծավ մասամբ Միացյալ Նահանգների, քաղաքների իշխանությունների ներկայացուցիչներ, ինչպես նաեւ ձեռնարկիչներ եւ այդ ոլորտի փորձագետներ: Պլանավորվում Է, որ համաժողովում կկայանան բանվեճեր լայն շրջանակի թեմաների շուրջը, որոնք վերաբերում են քաղաքների պլանավորմանն ու բարեկարգմանը, դրանց տնտեսական զարգացմանն ու ենթակառուցվածքին:
Խորհրդաժողովի վերջին օրը՝ հունիսի 8-ին, կհայտարարվի այս տարվա ընթացքում «մոլորակի ամենախելացի քաղաքը», որն աչքի Է ընկել, մասնավորապես, ենթակառուցվածքային եւ այլ տեխնոլոգիաների զարգացման ոլորտում, հաղորդել Է ՏԱՍՍ-ը: