Արմեն Աշոտյանը պարգևատրել է կրթության ոլորտի մի խումբ ներկայացուցիչների

ՀՀ կրթության և գիտության նախարարությունում հոկտեմբերի 12-ին նախարար Արմեն Աշոտյանը պարգևներ է հանձնել մասնագիտական կրթության ոլորտի մի խումբ մանկավարժների: Ինչպես տեղեկացրին ՀՀ կրթության և գիտության նախարարության հասարակայնության հետ կապերի և տեղեկատվության վարչությունից, Արմեն Աշոտյանը նշել է, որ վերջին ժամանակահատվածում կրթության ոլորտի մի շարք ներկայացուցիչներ` նախադպրոցական կրթությունից մինչև հետբուհական, արժանացել են պարգևների տարբեր առիթներով` «Ուսուցչի օր», «Գիտելիքի օր» և այլն:

«Այսօր եկել է պահը` մեր  երախտիքի և գնահատականի խոսքն ասել մասնագիտական կրթության ոլորտի նվիրյալներին և նրանց շնորհակալություն հայտնել իրենց երկարամյա և բարեխիղճ աշխատանքի համար` պարգևներ հանձնելով արժանավորներին»,-նշել է Արմեն Աշոտյանը:

Կրթության և գիտության ոլորտում ներդրած ավանդի համար Երևանի պետական համալսարանի հայոց լեզվի պատմության ամբիոնի վարիչ, բանասիրական գիտությունների դոկտոր, պրոֆեսոր Ռուբեն Կարապետի Սաքապետոյանը պարգևատրվել է ՀՀ կրթության և գիտության նախարարության բարձրագույն պարգևով` «Ոսկե հուշամեդալով»:
Կրթության, գիտության ոլորտում ներդրած ավանդի համար և ծննդյան 65-ամյակի կապակցությամբ Հայաստանի պետական ճարտարագիտական համալսարանի (Պոլիտեխնիկ) Լեզուների գիտակրթական կենտրոնի տնօրեն, բանասիրական գիտությունների թեկնածու, դոցենտ Հասմիկ Ցո լակի Պետրոսյանը պարգևատրվել է ՀՀ կրթության և գիտության նախարարության բարձրագույն պարգևով` «Ոսկե հուշամեդալով»:

Կրթության ոլորտում ունեցած բազմամյա վաստակի և «Ուսուցչի օրվա» կապակցությամբ ՀՀ կրթության և գիտության նախարարության պատվոգրով պարգևատրվել են նախնական մասնագիտական (արհեստագործական) և միջին մասնագիտական կրթական հաստատությունների հետևյալ աշխատակիցները` Նունե Աշոտի Մուրադյանը (Արմավիրի արվեստի պետական քոլեջի տնօրեն), Մարիամ Թելմանի Հակոբյանը (Երևանի թիվ 8 արհեստագործական պետական ուսումնարանի տնօրեն), Հովհաննես Ազիզբեկի Թադևոսյանը (Լոռու տարածաշրջանային պետական քոլեջի տնօրեն), Կարինե Գրիգորի Մեհրաբյանը (Նարիրիի արհեստա գործական պետական ուսումնարանի տնօրեն), Արթուր Մաքսիմի Վարդանյանը (Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի տնօրեն), Օֆելյա Հրաչիկի Կարապետյանը (Երևանի թիվ 9 արհեստագործական պետական ուսումնարանի դասախոս), Արվիկ Հարությունի Գևորգյանը (Ինֆորմատիկայի պետական քոլեջի դասախոս): 

ՀՀ կրթության և գիտության նախարարության շնորհակալագրով պարգևատրվել են Հասմիկ Շահենի Քոսյանը (Ինֆորմատիկայի պետական քոլեջի դասախոս), Կարեն Իշխանի Արտոյանը (Ամասիայի արհեստագործական պետական ուսումնարանի դասախոս), Տաթևիկ Խաչատուրի Ղազարյանը (Երևանի թիվ 1 տարածաշրջանային քոլեջի դասախոս), Աիդա Մկրտիչի Պողոսյանը (Գորիսի պետական գյուղատնտեսական քոլեջի դասախոս):