Բրիտանական ընդդիմության առաջնորդը պահանջել Է վարչապետ Մեյի հրաժարականը

 Բրիտանիայի ընդդիմադիր Լեյբորիստական կուսակցության առաջնորդ Ջերեմի Քորբինը վարչապետ Թերեզա Մեյին պաշտոնաթող լինելու կոչ Է արել՝ հաշվի առնելով հունիսի 8-ին կայացած վաղաժամկետ խորհրդարանական ընտրությունների արդյունքները, տեղեկացնում Է «Արմենպրես»-ը:

«Վարչապետն այս ընտրությունները նախաձեռնեց, որովհետեւ ցանկանում Էր մանդատ ստանալ: Դե ինչ, մանդատը, որը նա ստացավ պահպանողականների կորցրած տեղերն են, կորցրած ձայները, կորցրած աջակցությունը եւ կորցրած վստահությունը: Կարծում եմ՝ դա նրա համար բավական Է, որ իրապես հեռանա (պաշտոնաթող լինի)»,- ասել Է Քորբինը: Մեծ Բրիտանիայի Պահպանողական կուսակցությունը հունիսի 8-ի ընտրությունների արդյունքում զրկվել Է խորհրդարանական մեծամասնությունից: Վարչապետ Թրեզա Մեյի կուսակցությունն առայժմ երաշխավորել Է 308 պատգամավորական մանդատ: Մինչ այժմ քվեարկության արդյունքները չեն ամփոփվել 17 ընտրատարածքներում: Սակայն, նույնիսկ եթե բոլոր դրանցում հաղթեն թորիները, նրանք չեն կարողանա ապահովել 326 տեղ, ինչն անհրաժեշտ Է մեծամասնության կառավարություն կազմելու համար, առանց այլ կուսակցությունների ներկայացուցիչների մասնակցության:

Ըստ վերջին տվյալների՝ Լեյբորիստական կուսակցությունն ստացել Է 258 տեղ, Շոտլանդիայի ազգային կուսակցությունը՝ 34 տեղ, լիբերալ դեմոկրատները՝ 12, մնացածները՝ եւս 21 տեղ, հաղորդել Է ՏԱՍՍ-ը: