Աստանայում բացվում Է ԷՔՍՊՕ-2017 միջազգային ցուցահանդեսը

 Աստանայում բացվում Է ԷՔՍՊՕ-2017 միջազգային ցուցահանդեսը, որը, ի թիվս այլ հարցերի, նվիրված Է Էկոլոգիապես մաքուր Էներգիայի ստացման եղանակներին եւ ածխաթթվական գազի արտանետումների կրճատմանը: Դրան մասնակցում են 115 երկրներ եւ 22 միջազգային կազմակերպություններ: Յուրաքանչյուր պետություն ներկայացնում Է իր տաղավարը, որտեղ ներկայացված են այլընտրական աղբյուրների բնագավառի նոր մշակումները, տեղեկացնում Է «Արմենպրես»-ը:

«Աստանա ԷՔՍՊՕ-2017» ցուցահանդեսային համալիրի ընդհանուր մակերեսը կազմում Է 174 հեկտար: Դրա կենտրոնական բաղադրիչը «Նուր Ալեմ» («Շողացող աշխարհ») գնդաձեւ շենքն Է: Կազմակերպիչները նշում են, որ սա ամենամեծ գնդաձեւ շենքն Է աշխարհում, դրա տրամագիծը կազմում Է 80 մետր, իսկ բարձրությունը՝ 100 մետր: Շենքի առաջին հարկում գտնվում Է Ղազախստանի տաղավարը, որտեղ այցելուները կկարողանան ծանոթանալ հանրապետության պատմությանը, մշակույթին, ավանդույթներին ու տեսարժան վայրերին: Շենքում տեղ Է զբաղեցրել նաեւ «Ապագայի թանգարանը»: Այստեղ մուլտիմեդիական եւ ինտերակտիվ տեխնոլոգիաների օգնությամբ ցուցադրելու են Էներգիայի տարբեր տեսակներ: Ցուցահանդեսային գոտում տեղավորվել են միջազգային, թեմատիկ եւ առեւտրային տաղավարները, առեւտրական ու ժամանցային օբյեկտներ: Այստեղ Է գտնվում նաեւ Կոնգրես-կենտրոնը, որտեղ կանցկացվեն թեմատիկ խորհրդաժողովներ եւ մշակութային միջոցառումներ, ինչպես նաեւ Ամֆիթատրոնը, որտեղ կկայանան թատերականացված ներկայացումներ, շոուներ եւ հանրահայտ արտիստների ելույթները:

ԷՔՍՊՕ-2017 միջազգային ցուցահանդեսը հունիսի 10-ից կշարունակվի մինչեւ սեպտեմբերի 10-ը: Սպասվում Է, որ ցուցահանդես կայցելի ավելի քան 2 միլիոն մարդ, հաղորդել Է ՏԱՍՍ-ը: