Կինն ընտանիքի հենասյունն է. Ջավահիր Ծառուկյան (լուսանկարներ)

Wnews.am-ը գրում է.

Wnews.am-ը շարունակում է ներկայացնել հայ պաշտոնյաների եւ ազդեցիկ մարդկանց կանանց։ Այս անգամ մեր ուշադրության կենտրոնում է ԱԺ պատգամավոր, ՀԱՕԿ նախագահ Գագիկ Ծառուկյանի կինը՝ Ջավահիր Ծառուկյանը։

Ջավահիր Ծառուկյանն իր ամուսնուն պարգեւել է վեց զավակ. Ռոզա, Գայանե և Էմմա Ծառուկյանները գերազանցությամբ ավարտել են Անանիա Շիրակացու անվան ճեմարանը։ Ռոզան և Էմման  մասնագիտությամբ բժիշկներ են ։ Գայանե Ծառուկյանն ավարտել է Երևանի Պետական Համալսարանի իրավաբանության ֆակուլտետը գերազանցության դիպլոմով։

Անահիտը և Նվերը Ծառուկյանները սովորում են Անանիա Շիրակացու անվան ճեմարանում։

«Յուրաքանչյուր կին իր ընտանիքի հենասյունն է ու ընտանիքում դրական ու երջանիկ մթնոլորտի ապահովողը։ Ամուր ընտանիքներով ամուր է նաեւ պետությունը»,- փաստում է Ջավահիր Ծառուկյանը։

Ջավահիր Ծառուկյանը հազվադեպ է շփվում լրատվամիջոցների հետ։

Երբ Գագիկ Ծառուկյանը նոր էր հրաժարվել «Բարգավաճ Հայաստան» կուսակցությունից, լրագրողների հետ զրույցում նա ասել էր, որ ուրախ է, քանի որ իր ամուսինն այլեւս քաղաքականությամբ չի զբաղվում.
«Այո, իհարկե ուրախ եմ, այդպես ավելի հանգիստ է»,- ասել էր Ջավահիր Ծառուկյանը։

Ջավահիր Ծառուկյանը երբեմն ամուսնու ուղեկցում է պաշտոնական միջոցառումներին։

Ջավահիր Ծառուկյանը բարձրաստիճան պաշտոնատար անձանց հայտարարագրում, որը ներկայացվել է այս տարվա փետրվարին, հայտարարագրել է 22 մլն 700 դրամ, 25.700 դոլար, 30.400 եվրո։

Նա ձեռք է բերել 490 հազար դոլարին համարժեք պլատինե կախազարդ, 35 հազար դոլարին համարժեք ապարանջան, 25 հազար դոլարանոց ականջող, 470 հազար դոլարին համարժեք պլատինե մանյակ։

Գագիկ Ծառուկյանի կնոջ տարեկան եկամուտը կազմում է 4 մլն 800 հազար դրամ։