Առաջին ալիքն ուղիղ եթերում կներկայացնի Կոնֆեդերացիաների գավաթի բոլոր խաղերը

Առաջին ալիքն իր ֆուտբոլասեր հեռուստադիտողներին հնարավորություն է ընձեռում ուղիղ եթերում դիտելու Կոնֆեդերացիաների գավաթի խաղարկությունը, որը կանցկացվի հունիսի 17-ից հուլիսի 2-ը: Այս մասին տեղեկացրին Առաջին ալիքի հասարակայնության հետ կապերի բաժնից:

Մրցաշարի մասնակից 8 երկրների՝ Ռուսաստանի, Գերմանիայի, Ավստրալիայի, Չիլիի, Մեքսիկայի, Նոր Զելանդիայի, Պորտուգալիայի, Կամերունի  ֆուտբոլային հավաքականներն ուժերը կչափեն նախ ենթախմբերում, ապա կպայքարեն հանուն Կոնֆեդերացիաների գավաթի: Խաղերը կանցկացվեն մրցաշարն ընդունող երկրի՝ Ռուսաստանի 4 քաղաքներում՝ Մոսկվայում, Սանկտ Պետերբուրգում, Կազանում, Սոչիում:

Կից ներկայացնում ենք մրցաշարի հեռարձակման եթերացանցը՝

 

Ամսաթիվ	Ժամ	Հանդիպում
17.06.2017	19:00	ՌԴ – Նոր Զելանդիա
18.06.2017	19:00	Պորտուգալիա – Մեքսիկա
18.06.2017	22:00	Կամերուն – Չիլի
19.06.2017	19:00	Ավստրալիա – Գերմանիա
21.06.2017	19:00	ՌԴ- Պորտուգալիա
21.06.2017	22:00	Մեքսիկա - Նոր Զելանդիա
22.06.2017	19:00	Կամերուն – Ավստրալիա
22.06.2017	22:00	Գերմանիա – Չիլի
24.06.2017	19:00	Մեքսիկա – Ռուսաստան
24.06.2017	19:00	Նոր Զելանդիա -Պորտուգալիա
25.06.2017	19:00	Գերմանիա – Կամերուն
25.06.2017	19:00	Չիլի – Ավստրալիա
28.06.2017	22:00	Առաջին կիսաեզրափակիչ
29.06.2017	22:00	Երկրորդ կիսաեզրափակիչ
02.07.2017	16:00	Երրորդ տեղի համար հանդիպում
02.07.2017	22:00	Եզրափակիչ

 

Մինչ այդ Հայաստանի հանրային հեռուստաընկերության կողմից հայտարարված մեկնաբանների մրցույթում պայքարը շարունակում են 16 մասնակիցներ: Նրանք են՝ Արեգ Հակոբյան, Արման Աբելյան,  Արտուշ Հարությունյան,  Համլետ Գեւորգյան,  Նորայր Զորյան, Ռաֆայել Խալաթյան, Ալիկ Դավթյան, Արմեն Գարամյան, Արմեն Մանուկյան, Գրիգոր Գեւորգյան, Դավիթ Մարտիրոսյան, Երվանդ Հարությունյան,  Մարե Մինասյան, Միքայել Մարգարյան, Սամվել Սուքիասյան, Սուրեն Պողոսյան:

Մրցույթի հաղթողը/ները հնարավորություն կստանան լուսաբանելու Կոնֆեդերացիաների գավաթի հանդիպումներից որեւէ մեկը, որը հաջողելու պարագայում հնարավորություն կստանան համալրելու Հանրայինի մարզական ընտանիքը: