ԱՄՆ-ի գլխավորած կոալիցիան առայժմ չի հաստատում ալ Բաղդադիի ոչնչացումը. Al Jazeera

ԱՄՆ-ի գլխավորած միջազգային հակաահաբեկչական կոալիցիան առայժմ չունի ռուսական օդուժի կողմից «Իսլամական պետություն» ահաբեկչական խմբավորման պարագլուխ Աբու Բաքր ալ Բաղդադիի հնարավոր ոչնչացման հաստատումը: Այդ մասին, ինչպես տեղեկացնում Է «Արմենպրես»-ը, հայտնել Է Al Jazeera հեռուստաալիքը՝ հղում անելով կոալիցիայի հրամանատարության հայտարարությանը: 
Կոալիցիան չի կարող հաստատել ալ Բաղդադիի վերաբերյալ ՌԴ-ի արած հայտարարությունը, նշել Է հեռուստաալիքը: 
Ավելի վաղ տեղեկացվել Է, որ ՌԴ պաշտպանության նախարարությունը տարբեր կապուղիներով ստուգում Է ռուսական օդուժի հարվածով ԻՊ-ի պարագլուխ ալ Բաղդադիի հնարավոր ոչնչացման վերաբերյալ տեղեկատվությունը: 
Նշվում Է, որ ահաբեկիչների ղեկավարին կարող Էին ոչնչացնել մայիսի 28-ին Ռաքայի հարավային արվարձանում կայացած խորհրդակցության ժամանակ: Ռուսական օդուժի այդ հարվածի զոհ են դարձել բարձրաստիճան զինյալներ, որոնք մտնում Էին ԻՊ-ի «ռազմական խորհրդի» կազմի մեջ, եւ մոտավորապես 330 ահաբեկիչներ: Պաշտպանության նախարարության տվյալներով՝ ոչնչացված ահաբեկիչների թվում են՝ Ռաքայի «Էմիր» Աբու ալ Հաջի ալ Միսրին, Իբրահիմ ան Նաեֆ ալ Հաջը, որը վերահսկում Էր Ռաքայից մինչեւ Էս Սուխնե ընկած շրջանը, եւ ԻՊ-ի «անվտանգության ծառայության պետ» Սուլեյման ալ Շաուախը:
ԼԴ պաշտպանության նախարարությունը զինյալների պարագլուխների խորհրդակցության մասին տեղեկատվությունն ստացել Էր մայիսի վերջին: Հարվածը հասցվել Է մայիսի 28-ի գիշերը այն բանից հետո, երբ հանդիպման տեղի ու ժամանակի վերաբերյալ տվյալները հաստատվել են անօդաչուների նկարահանմամբ: 
Ալ Բաղդադին, իսկական անունը՝ Իբրահիմ Ավադ Իբրահիմ ալ Բադրի, առաջին անգամ հանրությանը ներկայացել Է 2014 թվականի հուլիսին, երբ ԻՊ-ի կողմից գրավված Մոսուլ քաղաքի մզկիթում հռչակեց Մերձավոր Արեւելքում «իսլամական խալիֆայության» ստեղծումը: Այդ ժամանակվածից ԶԼՄ-ները քանիցս տեղեկատվություն են հրապարակել նրա ոչնչացման մասին, բայց այն հաստատում չի գտել, հաղորդել Է ՏԱՍՍ-ը: