Ինչպես արագ արեւայրուք ստանալ. ամենը, ինչ պետք է իմանալ արեւայրուքի մասին. լուսանկարներ

Էլ երբ, եթե ոչ ամռանը կարելի է ստանալ գեղեցիկ թուխ մաշկ. այն միանգամից արտաքինին թարմություն է հաղորդում, ծածկում մաշկի անհարթությունները։

Wnews.am-ն արդեն ներկայացրել է դեմքի արեւայրուք ընդունելու կանոնները,  այն երկար պահպանելու միջոցները։

Ինչպես ճիշտ արեւայրուք ընդունել. Wnews.am-ի հրապարակումն այդ մասին է։

Որքանո՞վ է այն վնասակար.

Արդյո՞ք արեւն օգտակար է հարցին, ցանկացած լավ բժիշկ կպատասխանի, որ արեւը, ինչպես այս կյանքում յուրաքանչյուր բան, օգտակար է չափի մեջ։ Արեւը D վիտամինի աղբյուր է, ինչը անհրաժեշտ է մեր օրգանիզմին։

Ինչպե՞ս ճիշտ արեւայրուք ընդունել. նախեւառաջ կողմնորոշվեք, թե որ տիպին է դասվում ձեր մաշկը.

Իհարկե, այս սահմանազատումը պայմանական է, սակայն սովորաբար աշխատում է.

1-ին խումբ-ակնհայտ բաց գույնի մաշկ ունեցող մարդկանց, ովքեր հակված են պեպենների, ունեն բաց գույնի աչքեր, խարտյաշ վարսեր, ընդունված է դասել առաջին խմբին։ Նրանց մաշկն արեւից կարմրում է, քանի որ ունակ չէ պաշտպանել։ Եթե դասվում եք այս խմբին, օգտագործեք SPF 50+ արեւապաշտպան քսուկ, արեւի տակ մնացեք բացառապես առավոտյան եւ երեկոյան ժամերին։

2-րդ խումբ-եւս  սպիտակ մաշկ ունեցողների խումբ, որոնք այդքան էլ քմահաճ չեն։ Հաճախ նրանք եւս ունեն բաց գույնի աչքեր, արեւից միանգամից կարմրում են քիթն ու ուսերը։ Նրանց խորհուրդ կտանք օգտագործել բարձր արեւապաշտպան քսուկներ, արեւայրուքն ընդունել առավոտյան կամ երեկոյան, իսկ ցերեկային ժամերին  արեւի ոչ ուղիղ ճառագայթների ներքո։

3 —րդ խումբ. զեյթունի գույնի մաշկով եւ հաճախ բաց գույնի մազերով։ Նրանց մաշկը կարող է այրվածքներ ստանալ, սակայն ճիշտ վերաբերմունքի դեպքում դառնում է գեղեցիկ ոսկեգույն երանգի։ Էքստրեմալ բրոնզե երանգի նրանք դժվար թե հասնեն, բայց ցերեկային ժամերին SPF 50 եւ առավոտյան SPF 30 քսուկ օգտագործելով կարող են ունենալ գեղեցիկ արեւայրուք։

4-րդ խումբ. շագանակագույն աչքերով սեւահերներ, ովքեր ունեն մուգ մաշկ։ Նրանք հազվադեպ են արեւից այրվում, ստանում են հարթ, գեղեցիկ արեւայրուք։ Հաճախ անգամ կարող են աչքաթող անել արեւապաշտպան միջոցները, բայց իզուր՝ բացի արեւայրուքից, որի համար պատասխանատու են В UV-А եւ B ճառագայթները, արեւն արձակում է նաեւ  С—շողեր, որոնք մոտ են ռենտգենի էֆեկտին եւ վնասակար են։

Բոլոր տիպի մաշկ ունեցողները պետք է արեւայրուքից հետո հետեւեն իրենց խնամքին։ Խորհուրդ է տրվում օգտագործել խոնավեցնող եւ փափկեցնող միջոցներ, քանի որ մաշկը չորանում է եւ հակված է լինում ճաքճքվածության։ Այրվածքների դեպքում ցուցված է պանտենոլն ու տարբեր սառեցնող սփրեյեր, որոնք պարունակում են ալոե։ Անհրաժեշտ է նաեւ շատ հեղուկ օգտագործել, հրաժարվել ալկոհոլից։