17 անսխալ նշան այն բանի, որ ՆԱ իսկապես սիրում է քեզ

1. Նա իսկապես լսում է քեզ, երբ դու նրան արդեն 20 րոպե է՝ դերերով պատմում ես մի իրավիճակ, որը պատահել է այն անտանելի աղջկա հետ:
   
   
2. Նա քեզ ծանոթացրել է իր բոլոր ընկերների հետ, և ծանոթության պահին նրանք արդեն գիտեին, թե որտեղ ես աշխատում և որ տեսակի շոկոլադն ես սիրում:
   
   
3. Նա քեզ ծանոթացրել է իր ծնողների հետ կամ ուզում է դա անել:
   
   
4. Նա քեզ ուղարկում է «բարի լույս» կամ «ես քո մասին եմ մտածում» հաղորդագրություններ:
   
   
5. Նա երբեք չի մոռանում քեզ «բարի գիշեր» մաղթել անգամ, եթե ընկերների հետ է:
   
   
6. Նա հաճախ է ասում ծեծված, սակայն, այնուամենայնիվ, հաճելի բաներ, ինչպիսին է, օրինակ, «քո ժպիտն ամենագեղեցիկն է»:
   
   
7. Դու նրա համար միշտ առաջին տեղում ես: Նա կգա քեզ հետ քո ընկերուհու հարսանիքին անգամ, եթե այդ նույն օրը իր սիրելի ֆուտբոլային թիմի խաղն է:
   
   
8. Նա միաժամանակ զգում է և՛ հպարտություն, և՛ խանդ, երբ ինչ-որ տղամարդ ուշադրություն է դարձնում քեզ վրա:
   
   
9. Նա երկարաժամկետ պլաններ է կազմում քեզ հետ՝ ասելով, օրինակ, «մյուս ամառ մենք...»
   
   
10. Նա ցանկացած համեղ ուտելիքի վերջին պատառը պահում  է քեզ համար:
    
    
11. Նա հոգ է տանում քո մասին, երբ հիվանդ ես, դեղեր գնում քեզ համար, գալիս հիվանդատես:
    
    
12. Մի ժպիտ, և նա այլևս ի վիճակի չէ քեզ վրա զայրանալու:
    
    
13. Անկախ նրանից՝ կարևոր հանդիպման է գնում, թե պարզապես ընկերների հետ հանդիպման, նա կարևորում է քո կարծիքն իր հագուստի վերաբերյալ:
    
    
14. Նա իր հեռախոսը մի կողմ է դնում, երբ միասին եք:
    
    
15. Նա քո հասցեին երբեք վիրավորական կատակներ չի անում:
    
    
16. Նա հպարտանում է քո ձեռքբերումներով:
    
    
17. Նա ամեն օր ասում է «ես քեզ սիրում եմ», և դու հավատում ես նրան: