Արփինե Հովհաննիսյանի ոճը. լուսանկարներ

Wnews.am-ը գրում է.

Անշուշտ, Արփինե Հովհաննիսյանը գեղեցկուհի է, բայց ինչպե՞ս է նա ընտրում հագուստը, կարողանո՞ւմ է մշտապես էլեգանտ տեսք ունենալ: Ի վերջո՝ այնքան էլ հեշտ չէ նորաձևությունն  ու ոճը համատեղել նախարարի լուրջ, պատասխանատու աշխատանքի հետ, հատկապես եթե դու երիտասարդ ես ու գեղեցիկ: Երիտասարդ, գեղեցիկ կանայք սիրում են փորձարկումներ անել, չեն վախենում նորարարություններից, փոփոխություններից, վառ գույներից, ինչն այնքան էլ չի խրախուսվում պաշտոնյաների շրջանում: 

Wnews.am-ը կփորձի պատասխանել այս հարցերին:  ՀՀ Արդարադատության նախարար Արփինե Հովհաննիսյանին հաջողվել է համատեղել վառ երիտասարդ կնոջ կերպարն ու քաղաքականությունը: Արփինեն հետևում է նորաձևությանը, դա կարելի է հասկանալ գույներից, որոնք նա ընտրում է, գրեթե միշտ նրան կարելի է տեսնել սեզոնի ամենանորաձև գույներով: Դրանք հիմնականում վառ կոստյումներն են, որոնք Արփինեն հագնում է սպիտակ դասական վերնաշապիկների հետ, ինչը հիանալի լուծում է դասական, միևնույն ժամանակ նորաձև տեսք ունենալու համար: Հաջորդ բանը, որ նկատելի է Արփինեի ոճում, զարդերն են, նա սիրում է զարդեր, գուցե երբեմն չարաշահում է դրանք , բայց սովորաբար նրան հաջողվում է ճիշտ համադրել հագուստների հետ: Արփինե Հովհաննիսյանը սիրում է հատկապես վզնոցներ: Քիչ չեն նրա կերպարներում նաև շարֆերը, հաճախ լինում է և՛ շարֆ, և՛ վզնոց: Եթե գնահատելու լինենք ՀՀ Արդարադատության նախարարի ոճը այն վառ է, կանացի նաև խիստ: