Երևան, 20.Նոյեմբեր.2026,
00
:
00
ՀՐԱՏԱՊ

Ովքեր են «Ազիզյանները» սիթքոմից հայտնի Մարին, Լևոնը և Ազատը. (լուսանկարներ)

ԼԱՅՖ

Ընկերներ շատ ունեմ, բայց դպրոցում շատ չեն: Կան ընկերներ, որոնք մինչև «Ազիզյանները» ընկերներ չէին, բայց հետո դարձան: Այսինքն հայտնիությունը վատ կողմեր էլ ունի էլի :)

Իմ ստացած հոնորարները ծախսում եմ ուսմանս վրա: Ես սովորում եմ վճարովի դպրոցում, բայց կարծում եմ՝ էլ չեմ սովորի, քանի որ այլևս գերազանցիկ չեմ: Ես հասկանում եմ, որ անիմաստ է սովորել վճարովի դպրոցում, եթե գերազացիկ չեմ: 

Ինստագրամում երկրպագուներս իմ անունով էջերն են բացել: Նկարներս չեն տեղադրում դեռ, բայց գրում են, որ շատ լավ եմ խաղում, որին ի պատասխան ասում եմ` մերսի, բայց լինում են որ անհասականալի բաներ են գրում:  

Մենք ընտանիքով միշտ նայում ենք սիթքոմը: Ծնողներիս միշտ հետաքրքիր է, թե ինչպես եմ խաղում: Հաճախ են իմ խաղի մասին կարծիք հայտնում:

Եթե օրինակ «Ազիզյանները» գիշերը լավ չեմ նայել, օրվա ընթացքում մի հատ էլ եմ նայում: Երբ առաջին անգամ նայում ես լրիվ այլ տպավորություն է, իսկ երկրորդ անգամ լրիվ ուրիշ ձև ես հասկանում: Ես սիրում են նաև ֆիլմեր նայել, օրինակ երբ կլանված ինչ-որ ֆիլմ եմ նայում և կանչում են բակ խաղալու՝ չեմ գնում:  

Բակային խաղերից շատ սիրում եմ ֆուտբոլ:  Համակարգչային խաղեր էլ եմ սիրում, բայց երբ ձեռք բերեցի հեռախոսս, հիմա ամեն ինչ հեռախոսով եմ խաղում: 

Նախասիրություններ: Ռելա Մադրիդ ակումբի երկրպագու եմ, սիրում եմ Ռոնալդուին, Մեսիին: Ինձ համար Մեսին ծնված օրվանից տաղանդ է, իսկ Ռոնալդուն իր աշխատասիրության հաշվին է հասել այդ աստիճանի: Ես ֆուտբոլ ավելի շատ եմ նայում, քան խաղում:

Ինձ հաճախ են ճանաչում դրսում, լուսանկարվում հետս: Վերջերս նկարահանվել եմ Շարմի ֆիլմում, կարծում եմ՝ դրանից հետո ինձ ավելի շատ կճանաչեն: Օրինակ,  երբ հայտնի ես, հաճախ չես կարող քեզ ինչ-որ չարություններ թույլ տալ, իսկ ես սիրում եմ երբեմն-երբեմն ջրիկանալ: 

Երբ մեծանամ ուզում եմ ֆիլմեր նկարահանեմ:  Ինձ հետաքրքրում է նաև ռեժիսուրան, հետաքրքիր է դերասանի հետ աշխատանքը: Երբ օրինակ աշխատում ես դերասանի հետ և նա լավ է խաղում, ապա դա ռեժիսորի շնորհիվ է: 

Մարի՝ նույն ինքը Մարի Պետրոսյան

Երբ իմ կերպարի համար հայտարարվել էր քասթինգ, իմ գնալը շատ պահատական ստացվեց: Քասթինգի մասին  վերջին օրն եմ իմացել, միայն գիտեի, որ կերպարիս անունը Մարի է, ինչը ինձ ուրախացրեց: Առաջին փորձից հետո կրկին հրավիրեցին, բայց ես չգիտեի` ինչ նախագիծ է ինձ սպասվում, ում հետ եմ խաղալու: Մի քանի օր անց իմացա, որ խաղալու էի Հայկ Մարությանի հետ, իսկ երբ իմ դասախոսից՝ Աբել Աբելյանից զանգ ստացա, իմացա, որ անցել եմ: Չեմ կարող նկարագրել ուրախությանս չափը:  

Շատ ուրախ եմ, որ իմ խաղընկերները Ստեփանն ու Բորիսն են: Նրանց հետ ծանոթությունը իմ մեջ շատ բան փոխեց, չնայած որ Ստեփանը մեզանից փոքր է, բայց շատ հետաքրքիր մտածելակերպ ունի: Այս կարճ ժամանակահատվածում մենք շատ լավ ընկերներ դարձանք: Միասին ամեն նկարահանումից տարբեր տեղեր ենք գնում՝ պաղպաղակ ուտելու, զբոսնելու: Ի դեպ ասեմ, որ եղել են դեպքեր, երբ  Ստեփանը և Բորիսը միասին գնացել էին ինտերնետ ակումբներ խաղեր խաղալու և ինձ չէին տարել: 

Ես և իմ կերպարը իրար հետ նմանություն ունենք: Թիթիզ, սելֆի անող աղջիկ, ով սիրում է շոփինգի գնալ, բայց ես չէի անի այն, ինչ իրականում ցույց եմ տալիս սիթքոմում: Պետք է ասեմ, որ ես հաճախ եմ իմ կերպարի հետ, միշտ մտածում եմ՝ ինչ կաներ Մարին: Հաճախ եմ մտովի խոսում կերպարիս հետ: 

Երբ, օրինակ դիտում եմ սիթքոմը, մոռանում եմ, որ ես եմ խաղում: Ինձ դուր է գալիս մեր սիթքոմը, երբ անջատում եմ, և նորից եմ նայում, սկսում եմ զայրանալ, քանի որ կան բաներ, որոնք ես կարող էի այլ ձևով անել: Շատ քննադատ եմ և հաճախ զայրանում եմ ինձ վրա: Ինձ շատ հետաքրքիր է սիթքոմի զարգանումները, սիրում եմ նաև հետևել իմ մյուս ընկերների խաղին:

Ես տեսակով հանգիստ և ուրախ մարդ եմ: Սիրում եմ մենակ մնալ, կամ ընկերներիս հետ ժամանակ անցկացնել, ասեմ, որ նաև փոփոխական եմ: Ի դեպ արդեն հոգնել եմ ինձանից, թե որքան փոփոխական կարող եմ լինել: Երբ օրինակ ոգեշնչվում եմ, սկսում եմ պարել: Հիմա պատրաստվում եմ կավագործության և նկարչության գնալ: Երբ հոգնած և հանգիստ եմ, սիրում եմ բնության գրկում լինել:

Սիթքոմում նկարահանելը ինձ օգնեց սելֆիի նոր ծրագրեր բացահայտել :) Իհարկե սա կատակ եմ անում, իսկ եթե ավելի լուրջ, սիթքոմը ինձ ինքնավստահություն է տվել: Մարդ երբ ինչ որ մի բան է անում, միշտ մեջը կասկած կա, արդյո՞ք ճիշտ է անում, թե ոչ: Հիմա ես վստահ եմ, որ ես ճիշտ ուղղով եմ շարժվում:

Անծանոթ մարդիկ իմ հանդեպ ավելի ուշադիր են դարձել: Ավելի շատ սեր են փոխանցում ինձ, դա իհարկե հաճելի է: Հայտնիությունը իմ կյանքում շատ բան չի փոխվել, բայց կարող եմ ասել, որ մի քիչ ազատություն է խլել: Այսքան ժամանակ ինչ նկարահանվում եմ միայն դրական կարծիքներ եմ լսում, թե սիթքոմի, թե իմ կերպարի:

Ազատ՝ նույն ինքը Բորիս Բաղդասարով 

«Ազիզյանները» սիթքոմում ամեն ինչ շատ պատահական եղավ: Ինձ երեկոյան զանգեցին և ասացին, որ նման նախագիծ կա, ուղարկում ենք տեքստը՝ սովորի: Ես անգամ հնարավորություն չունեցա ասել՝ կարող եմ արդյոք գնալ, թե ոչ, քանի որ անջատեցին հեռախոսը: Ես մտածեցի՝ ինչ-որ էպիզոդիկ դեր է, այնինչ՝ գլխավոր դերակատարներից մեկի կերպարն էր վստահված ինձ: Անկեղծ ասած, որ գնում էի անգամ չգիտեի, թե ուր եմ եկել, երբ դուրս եկա ինձ ասացին, որ սա մշտական դեր է: Երկու օրից ինձ զանգահարեցին և ասացին, որ երկրորդ քասթինգ կա: Այս ժամանակ ես ավելի պատրաստված գնացի: 

Դերասանական կազմից մի քանիսի հետ ծանոթացա արդեն նկարահանման ժամանակ: Մենք այնպիսի հարաբերությունների մեջ ենք, որ կարող եմ զանգել Ստեփանին և կանչել սուրճ խմելու: Բավականին հեշտ մտերմացանք իրար հետ և առաջին նկարահանման հրապարակում ծանոթացանք իրար հետ: Քանի որ Ստեփանը լրիվ սկսնակ էր, նրան հետ մի քիչ դժվար սկսեցինք:  Ստեփանը ինձ համար շատ տաղանդավոր երեխա է:

Ռեժիսորը ինձ սկզբից բացատրեց, թե ինչ է ուզում ստանալ ինձանից: Ես հասկացա, որ այն բոլոր կոմպլեքսները, այդ թվում տեսախցիկին գեղեցիկ երևալը, պետք է մի կողմ թողնեմ, քանի որ եթե միայն կենտրոնանամ դրա վրա, լավ չի ստացվի: Ես, անկեղծ ասած, որքան պետք է կարող եմ տգեղ լինել, այսինքն՝ դա ինձ համար երկրորդնական հարց է: Որքան կարողացա ստեղծեցի իմ կերպարը մինչև այն ժամանակ, երբ ռեժսիորն արդեն գոհ էր: Իհարկե ինքս ինձ համար փորձեր անում էի՝ հայացքս էի շտկում, փորձում էի, թե ինչպես պետք է ծիծաղեմ: 

Սիրում եմ տարբեր դերեր խաղալ: Ես դրանով պարզապես ապրում եմ: Երբ ես խաղում եմ, ես ապրում եմ: Ցավոք, դեռ հնարավորություն չունեմ մեծ բեմեր դուրս գալ, քանի որ սկսնակ եմ: Հայաստանում կինոյում նկարահանվելը բավականին բարդ է: Ես հնարավոր է առավոտյան արթնանամ և անկողնուս մեջ խաղամ՝ պատկերացնեմ, որ եղել է երկրաշարժ, իսկ վերմակս մեծ քար է, և ես ապրում եմ այդ իրավիճակում, կամ մի ֆիլմ նայեմ և սկսեմ դերասաններից մեկի կերպարում խաղալ: Ես իմ ազատ ժամանակը շատ տարբեր եմ տնօրինում: Կարող եմ օրինակ, դուրս գալ բակում ֆուտբոլ խաղալ, կամ տանը՝ Playstation, կամ էլ սրճարանում նստեմ և գիրք կարդամ: Իրականում ես շատ երազում եմ  ճանապարհորդելու մասին, ուզում եմ ողջ աշխարհը տեսնել: 

Հայտնիությունից շատ էի վախենում: Ես կարծում եմ՝ շատ հայտնի լինելը փչացնում է մարդուն: Շատերը գալիս են, որ պարզապես հայտնի դառնան՝ կայքերը իրենց նկատեն, ինստագրամում ավելի հետևորդներ ունենան, իսկ դա ինձ պետք չէ: Հաճելի է, որ մարդիկ ինձ նայում են և ժպտում են, հավանում են, թե ինչպես եմ խաղում: Պատասխանում եմ ինձ ուղղված նամակներին. ինքս էլ ուրախ կլինեի, եթե փոքր ժամանակ իմ սիրելի արտիստին գրեի և ինձ պատասխաներ:

Ընկերներ քիչ ունեմ:  Իմ ամենաչսիրած մարդկային բնավորությունը կեղծավորությունն է, ես նման մարդկանցից  հեռու եմ, քանի որ այդ մարդիկ դատարկ են և ոչ մի հետաքրքրություն չունեն: Երբ մարդմ անկեղծ է, շատ ավելի հաճելի է նրա հետ շփվել: Ես ունեմ երկու ընկեր, որոնք իմ մանկության ընկերներ են, բայց ես ամեն մեկին ընկեր չեմ անվանում:

Քանի որ սկսնակ եմ, ֆինանսական առումով պահանջկոտ չեմ: Մարդիկ հիմա ինձ տվել են հնարավորություն առաջ գնալու, ներկայանալու և ոչ մի գումարով չես գնի այդ հնարավորությունը: Ես չեմ կենտրոնանում, քանի որ ես չեմ պատրաստվում դերասանությամբ գումար աշխատել: Իհարկե, հնարավոր է ինձ այնպիսի դեր առաջարկեն, որ այնքան դուրս գա և անվճար նկարահանվեմ:

Շատ կուզեի էմոցիոնալ դեր ունենալ: Հիմա ես Ազատին պարզապես խաղում եմ, բայց կա դեր, որ ապրում ես և ճիշտ ես ներկայանում մարդկանց: Իհարեկ, այնպես չէ, որ ես շատ գոհ եմ իմ խաղացածից: Ես կուզեի շատ ուժեղ դերեր և ես այն մարդն եմ, ում օրինակ եթե ասեն անորեքսիկի դեր խաղա, ես  դիետա կպահեմ  և այնպես կնիհարեմ, որ մաքիմալ լավ ներկայացնեմ դերս: Լավ դերի համար ցանկացած բանի պատրաստ եմ: Հոլիվուդը իմ պիկն է, որին ես պետք է հասնեմ, իհարկե չարժե դեռ չեղած բանի մասին խոսել: Դուրս գալիս է, թե Հոլիվուդում ինչպես են գնահատում դերասանին, ինչի շնորհիվ էլ ֆիլմը որակ է ապահովում:

Նյութը` Սիրանուշ Գրիգորյանի

Լուսանկարները` Կարեն Հովհաննիսյանի

ԱՄՆ-ն և Իսրայելը կարող են նոր հարձակում իրականացնել Իրանի վրաՎանաձորում բեռնատարը 15-ից ավելի մեքենաներ է ջարդել, վիրավորներից 2-ն անչափահաս ենՀՊԼ․ «Արարատ-Արմենիա»-ն հաղթել է «Վան»-ին Այն մասին, թե ով է Հայաստանում փորձում շարունակ ահաբեկել մեր ժողովրդին, և ինչու է դա մինչև հիմա մասամբ ստացվել․ ՉալաբյանՕդի ջերմաստիճանը նոյեմբերի 20-21-ի ցերեկային ժամերին աստիճանաբար կբարձրանա 3-5 աստիճանով, 22-ին նույնքան կնվազի Բառախաղի մի՛ դիմեք, ես խոսել եմ ԶՈւ-երում ոչ մարտական պայմաններում մահացության դեպքերից` ներկայացնելով պաշտոն, աղբյուր, դատախազությանը հղում արված տվյալներ. Մարիաննա ՂահրամանյանԻ գիտություն ՀԷՑ ՓԲ ընկերության կառավարչի աթոռը զավթած սուբյեկտիԱյսքան պատերազմներ բերած քաղաքական ուժը չի կարող խոսել խաղաղությունից․ տեսանյութՌուսական հրթիռներ են ընկել Լեհաստանի տարածքում․ կործանիչները բարձրացվել են օդ «Նոր Յալթա՞», թե՞ քաղաքական շոու. ի՞նչ է գրում համաշխարհային մամուլը Թրամփ–Սի–Պուտին պատմական հանդիպման մասինՌուսական գազի գնորդները կբախվեն առավելագույն գնաճի հետԱրման Աբովյանը հանդիպել է Շտեֆան Կոտրեի հետ. հանդիպման առանցքային թեման Գագիկ Ծառուկյանի ապօրինի կալանավորումն էր Ավանդական ծիրանից մինչև արքայանարինջ և էկզոտիկ լայմ․ տեսանյութ Ucom-ը և Իմփաքթ Հաբ Երևանն ամփոփել են կանաչ ձեռներեցության ծրագրի երրորդ փուլը Հարգում ենք Բաքվի և Երևանի ուղիղ երկխոսություն վարելը. կարգավորման ներկայիս փուլը մեկնարկել է հենց ռուսական կողմի նախաձեռնությամբ. Զախարովա Ողբերգական պայթյուն Թբիլիսիում․ Հայաստանը ցավակցություն է հայտնել Վրաստանին ՌԴ-ի հետ սահմանն ամբողջությամբ կփակվի․ հայտնի է այդ երկրի որոշման պատճառը Ռոմանոս Պետրոսյանի հետ բանավեճին պետք է Դավիթ Ղազինյանը մասնակցի․ «Ուժեղ Հայաստան»-ի խոսնակ Հայաստանում ճանապարհային վթարների հետ կապված նոր փոփոխություններ են նախատեսվում Պուտինը պшտերազմ է մղում ամբողջ Եվրոպայի դեմ. Մերց Ի՞նչ է սպասվում ռուբլու փոխարժեքին 2027 թվականին«Պալաչի» եղբայրը՝ ազատազրկված թմրամիջոցների իրացման գործով Ինչ եղանակ սպասել դեկտեմբերին․ ձմեռը կսկսվի՞ խիստ ցրտերովՍոֆթԿոնստրակտն ու Հայաստանի ֆրանսիական համալսարանը նոր հուշագիր են ստորագրելԱմիօ բանկն ու «Փարվանյան քոնսալթինգը» միավորում են հնարավորությունները՝ նպաստելու միջազգային բրենդների մուտքին ՀայաստանՍամվել Կարապետյանը, որը մեծ ներդրում է ունեցել հայ ժողովրդի կյանքում, այսօր գտնվում է բանտում միայն այն պատճառով, որ խոչընդոտում է ներկայիս իշխանություններին. տեսանյութ Փարիզի արվարձանում գտնվող 18-հարկանի բնակելի շենքում hրդեհ է բռնկվել. կա զnh և վիրավnրներ Դավիթ Բեկի փողոցում բшխվել են «SHACMAN»-ը և «Mitsubishi»-ին. մի քանի րոպե անց կրկին բшխվել են մեկ այլ բեռնատարն ու մարդատարը Երկուշաբթի կհրապարակվի Սահմանադրության նախագիծը. ՓաշինյանՌԴ-ի դեմ նոր պատժամիջnցներ սահմանելու ուղղությամբ ԵՄ-ի գործողություններն առանց պատշաճ պատասխանի չեն մնա. Զախարովա Փաշինյանը հեռանալու է. «Ուժեղ Հայաստանը» թույլ չի’ տալու Հայաստանում ալիևյան սահմանադրություն անցկացնել. Տիգրան ԱբրահամյանԵ՞րբ կավարտվի ռուս-ուկրաինական պատերազմը․ ի՞նչ սպասել 2027 թվականինՍպասվում է առանց տեղումների եղանակ. oդի ջերմաստիճանը կբարձրանա 3-5 աստիճանով «Не газуй, թե չէ կգնամ, ու դու կկորցնես քո ամենանվիրված կոլաբորանտին». Փաշինյանի ակնարկը Ալիևին․ Տաթևիկ Հայրապետյան Կիևի քաղաքապետ Կլիչկոն հայտնել է Դնեպրի վրայով անցնող երեք կամուրջների վնասման մասին39-ամյա Մեսսին ՄԼՍ-ի ամենաբարձր վարձատրվող ֆուտբոլիստն է Մասիսում «Dodge»-ը վրшերթի է ենթարկել 2 հետիոտնի, ապա բшխվել կայանված «Opel»-ին Շարունակվում են ՀՀ քաղաքացիների արտաքսումները․ նոր թռիչքՀ1-ի եթերում 670 հազար դրամից 5.2 միլիոն դրամ աշխատավարձ ստացողը սուտ է տարածում. պահանջում եմ բանավեճ. Դավիթ ՂազինյանԹրամփը ճնշում է գործադրել Պուտինի վրա․ Axios 15 երկրի ԱԳ նախարարները ողջունել են Իսրայելի դեմ պատժամիջnցները Կենսաթոշակառուների հետվճարների վերաբերյալ կարևոր պարզաբանում՝ նախարարությունից Դավիթ Բեկի փողոցում բшխվել են «SHACMAN»-ը և «Mitsubishi»-ին. մի քանի րոպե անց կրկին բшխվել են մեկ այլ բեռնատարն ու մարդատարը 15 երկրի ԱԳ նախարարները ողջունել են Իսրայելի դեմ պատժամիջnցները Տարբեր կարծիք ունենալը դեռ չի նշանակում թշնամի լինել․ Մհեր ԱվետիսյանՍամվել Կարապետյանը խորը կապ և պատասխանատվության զգացում ունի իր ժողովրդի հանդեպ, և նրա գործողությունները բխում են այդ ներքին համոզմունքից, ոչ թե արտաքին պարտավորությունից․ Դավիթ ՂազինյանԵրևանում՝ խմորեղենի արտադրամասում հրդեհ է բռնկվել Քաղաքում առկա բոլոր խնդիրները իշխանության համակարգային տապալnւմների հետևանքն են. Տիգրան Աբրահամյան Վարդան Ջհանյանը ներկայացրել է Հայաստանի հանքարդյունաբերության ոլորտի առաջիկա առաջնահերթություններըՏարածաշրջանային բախումների եզրին. Արշակ Կարապետյանը՝ անվտանգության մեխանիզմների, 102-րդ ռազմաբազայի և արժանապատիվ պայքարի մասին․ «Փաստ»