Լավ է քեզանից պահանջել, քան ուրիշներից խնդրել

Չինական ասացվածքներ

1.      Եթե վճռականություն ունես ծակելու քարը, այն ինքն էլ ճեղք կտա:

2.      Մի՛ վախեցիր, որ չգիտես, վախեցի՛ր, որ չես սովորում:

3.      Լավ ապրանքը էժան չի լինում, էժանը լավ չի լինում:

4.      Լավ է քեզանից պահանջել, քան ուրիշներից խնդրել:

5.      Ձին, որից երկուսով են օգտվում, նիհարում է:

6.      Վանականը սովից չի մեռնի:

7.      Մեկ անտառում երկու վագր չի լինում:

8.      Սովածին գոմեշի կոտոշներն էլ են փափուկ թվում:

9.      Մեկ ձեռքով երկու գորտ չես բռնի:

10.  Լռակյացությունը շատախոսությունից լավ է:

11.  Երբ մեծ գետերում ջուր կա, փոքր գետերն էլ են ջրառատ:

12.  Տեսնելը լավ է, քան լսելը, իմանալը լավ է, քան տեսնելը, անելը լավ է, քան իմանալը: