Դերասանուհի Տաթեւ Սարգսյանը վերջին օրերին հայտնվել է քննադատների թիրախում: Մեկը մյուսի հետեւից նրա հասցեին հնչում են չարախոսություններ, նրան մեկ մեղադրում են ստախոսության մեջ, մեկ էլ անդրադառնում սիրային կապերին: Իր անձնի նկատմամաբ նման վիրտուալ «հարձակման» հիմքում դերասանուհին դիտավորություն է տեսնում, բայց եւ այդ առումով ինչպես ինքն է ասում ՝փորձում է պահպանել իր հավասարակշռությունը:
«Իրականում հնարավոր է, որ որոշ մարդկանց մոտ իմ անձի նկատմամբ էմոցիաների պոռթկում է տեղի ունեցել, գուցե մենք տեղյակ չենք, թե որքան երկար են այդ մարդիկ իրենց զսպել, այսինքն՝ հնարավոր է, որ այդ «հարձակումն» ինձ համար էր հանկարծակի, բայց ինչ-որ մեկի համար շատ սպասված: Անկեղծ ասեմ՝ ուղեղս չեմ փորձում ծանրաբեռնել եւ գտնել պատճառ, պատասխան այդ հրապարակումների վերաբերյալ: Իրականում ադեկվատ մարդու կյանքում դրանք շատ չնչին բաներ են, ես շատ թույլ մարդ կլինեի, եթե այս ամենն ինձ համար հարված համարեի»,- Life.panorama.am-ի հետ զրույցում նշեց Տաթեւն ու շարունկեց.
«Եթե այս ամենից ինչ-որ մեկն իրեն լավ զգաց, ուրեմն ես միայն ուրախ եմ դրա համար: Շատ տարբեր են հարմոնիա գտնելու ելքերը, եթե այս ամենը ինչ-որ մեկին տվել է այդ ներքին ներդաշնակությունը, ուրեմն ես չեմ կարող նրան համոզել, որպեսզի իր երջանկության կետին հասնի իմ տարբերակներով»:
Տաթեւը վստահ նշեց, որ չկա մեկն, ում հետ վատ հարաբերություններ ունենա, հետեւաբար որեւէ մեկին չի կասկածում նմանատիպ հրապարակումներ տարածելու մեջ:
«Գուցե շատ բարձր է հնչում, բայց այս քաղաքում որեւէ մեկի հետ կոնֆլիկտ չունեմ, չկա մի մարդ, ում փողոցում տեսնելիս՝ ճանապարհս թեքեմ: Արդեն 7 տարի է, ինչ ապրում եմ Հայաստանում եւ ուրախությամբ պետք է ասեմ, որ այս ընթացքում երբեւէ լարված հարաբերություն չեմ ունեցել եւ ոչ մեկի հետ: Եթե անձնական կյանքում, նախկին ընկերուհիների կամ ընկերների հետ եղել են միմյանց լավ չընկալելու խնդիրներ եւ շփման դադարեցումներ, ապա մեր միջեւ երբեք թշնամական հարաբերությունների այդ ամենը չի հասել: Մենք հիմա էլ, երբ հանդիպում ենք, ուրախությամբ ողջունում ենք միմյանց»,- ընդգծեց դերասանուհին:
.jpg)
Մեր նկատառմանը, թե որեւէ կերպ տարածված հրապարակումները հնարավո՞ր են ազդել դերասանուհու գործունեության վրա, պատասխանեց.
«Ես աշխատում եմ դրական մթնոլորտում, որտեղ մարդիկ ունեն սեփական կարծիք: Վստահ եմ, որ այդ հրապարակումներն իմ գործունեության վրա որեւէ ազդեցություն չեն ունենա: Դրանք չեն կարող անդրադառնալ նաեւ իմ՝ աշխատանքս սիրելու վրա: Եթե ես ինքնահաստատված չլինեի, գուցե այդ խոսակցությունները ազդեին վրաս, բայց ես ունեմ շատ հստակ տեսակետներ ու գաղափարներ: Ինձ շատ դժվար է հունից հանելը, դա կլինի միայն այն դեպքում, երբ որեւէ հարցում շատ վստահ լինեմ, բայց հետո իմանամ, որ իրականությունը բոլորովին այլ է: Թեեւ նման դեպքերում եւս փորձում եմ ադեկվատ լինել եւ համարել, որ դա եւս կյանքի փորձ է»:
Տաթեւ Սարգսյանի վերաբերյալ տարածված հրապարակումներից մեկում նշված էր, որ նա սիրային հարաբերություններ է ունեցել Դավիթ Մարդյանի, Նիկոլայ Եղիազարյանի, Ռիչարդ Մադլենյանի, Ռաֆայել Երանոսյանի հետ: Այս մասին խոսելիս՝ դերասանուհին նշեց.
«Ես չեմ համարում, թե այն տարիքում եմ, որ ամեն հարձակման վերաբերյալ պետք է բացատրություն տամ: Եթե ինչ-որ մեկը նման կարծիք է ձեւավարել, Ok, դա ինձ չի խանգարում: Ես չեմ կարող ամբողջ Հայաստանին կամ մի հրապարակման հեղինակի հակառակը համոզել: Ամեն դեպքում, ինձ համար ավելի պրոֆեսիոնալ կլիներ, եթե տվյալ նյութի հեղինակը ավելի լավ հետաքրքրվեր, գուցե այն ընթացքում, երբ նշված հայտնի տղամարդիկ ինձ հետ մտերիմ են եղել, ունեցել են նաեւ սիրելիներ: Հետեւաբար այդ տեղեկությունները իրականությանը համապատասխանել չէին կարող: Այդ տղաների հետ ունեմ շատ ջերմ հարաբերություններ: Ուրախ եմ, որ անգամ տարիքային մեծ տարբերության դեպքում մենք կարողացել ենք ստեղծել այնպիսի ընկերություն, որը շատերի համար օրինակելի կարող է լինել: Գուցե բարձր է հնչում, բայց այդ նույն հրապարակման հեղինակը կերազեր իր կողքին ունենար նման մտերիմ մարդկանց, ովքեր ամեն հարցում իմ կողքին են: Ինչեւէ, ուզում եմ շնորհակալություն հայտնել տարածված նյութերի ներքո տեղ գտած բոլոր մեկնաբանությունների հեղինակներին, ովքեր բավականին առողջ ու ադեկվատ կարծիքներ էին հայտնել, դրանցում չկար գոնե մեկ վատ մեկնաբանություն»:
Հեղինակ՝ Անուշիկ Մելքոնյան
