Ալաշկերտը հաղթել է հավաքի վերջին խաղում
ՍՊՈՐՏՄինսկում ավարտին մոտեցող ուսումնամարզական հավաքի երկրորդ խաղում «Ալաշկերտը» հանդիպել է Ռուսաստանի առաջին դիվիզիոնում (ФНЛ) հանդես եկող Յարոսլավլի «Շիննիկին»: Հայաստանի չեմպիոնը հաղթել է 2:0 հաշվով:
Առաջին խաղակեսում տուգանայինից կատարած գեղեցիկ հարվածով հաշիվը բացել է Արտակ Եդիգարյանը, իսկ երկրորդ խաղակեսում գոլով է ավարտվել Արտակ Գրիգորյան-Արտակ Դաշյան-Միհրան Մանասյան գեղեցիկ եռաքայլ կոմբինացիան:
Այսօր «Ալաշկերտը» կվերադառնա Երևան և կշարունակի նախապատրաստվել Չեմպիոնների լիգայի որակավորման առաջին փուլի` Անդորրայի «Սանտա-Կոլոմայի» հետ դիմակայությանը:
«Ալաշկերտ» — «Սանտա-Կոլոմա» հանդիպումը կկայանա հունիսի 27-ին «Հանրապետական» մարզադաշտում և կմեկնարկի 20:00-ին:
Հիշեցնենք, որ Մինսկի հավաքի առաջին խաղում «Ալաշկերտը» հաղթել էր Վլադիվոստոկի «Լուչ-Էներգիային»` 2:1: