Լիլիթ Հովհաննիսյանի ոճը. լուսանկարներ

Wnews.am-ը գրում է.

Wnews.am-ը շարունակում է վերլուծել հայտնի կանանց  ոճը. Այս անգամ քննարկում ենք Լիլիթ  Հովհաննիսյանին:

Հիշում եք նրան Հայ Սուպեր սթարում, իհարկե հիշում եք. նա միանգամից աչքի էր ընկնում: Լիլիթը բավական տարբերվող էր, յուրահատուկ. վառ գույներ, տարօրինակ սանրվածքներ, ակնոցներ և բարի ժպիտ:  Նրան անհնար էր շփոթել որևէ մեկի հետ:     Լիլիթն այդ տարիներին խոստովանում էր, որ շատ բարդույթավորված է և ամաչկոտ, նա նաև շատ էմոցիոնալ էր : Հետո նախագիծն ավարտվեց և Լիլիթն ամուսնացավ: Այս իրադարձությունները ազդեցին նաև նրա ոճի վրա:

      

Փոքրիկ աղջիկը կարծես մեծացավ, կամ Վահրամը նպաստեց, որ նա առավել ինքնավստահ դառնա։Լիլիթը հանեց ակնոցները ու սկսեց նկարահանել մեկը մյուսից համարձակ տեսահոլովակներ: Նա փոխեց մազերի գույնը և անընդհատ փորձարկումներ էր անում դիմահարդարման հետ:             

Սկսվեց քննադատությունների շրջան՝ այս ինչ երգեր են, այս ինչ դիմահարդարում է ու ինչ հագուստներ: Երգերի հետ կապված լրիվ համաձայն ենք, բայց ոճի առումով Wnews.am-ի կարծիքով Լիլիթը բացառիկ է, ոչ թե որովհետև հրաշալի է ամեն բան, այլ նա երիտասարդ է և իրավունք ունի փորձարկումներ անել, սխալվել և փնտրել իրեն: Մեզ դուր է գալիս Լիլիթի համարձակությունը և մենք վստահ ենք, որ նրա՝ սեփական ոճի փնտրտուքը մի օր անպայման ցանկալի  արդյունք է տալու, կարևորը, որ Լիլիթը չի վախենում և չի դոփում նույն տեղում: Միակ բանը, որ ուզում ենք նշել, այն է, որ Լիլիթ Հովհաննիսյանը, չափից դուրս տարվելով իր կերպարով, երբեմն կորցնում է իր անհատականությունը, դառնալով ինչպես բոլորը, ամեն դեպքում նա գեղեցիկ արտաքին ունի և երբեմն իսկապես ստացված կերպարներով է ներկայանում: