Հունիսի 26–ից 27–ը ողջ լրահոսի 1,1 %–ը կազմել են Արփինե Հովհաննիսյանի մասին նյութերը

ՔԱՂԱՔԱԿԱՆ 29 Հունիս, 2017 11:09

Actual Monitoring–ը ներկայացնում է, թե հայկական լրատվական կայքերն ինչպես են լուսաբանել հունիսի 26–ին Ստրասբուրգում մեկնարկած Եվրախորհրդի Խորհրդարանական Վեհաժողովի ամառային նստաշրջանը, որի ժամանակ ԱԺ փոխնախագահ Արփինե Հովհաննիսյանն ընտրվեց ԵԽԽՎ փոխնախագահ:

Եվ այսպես, հունիսի 26–ից 27–ն ընկած ժամանակահատվածում՝ Եվրախորհրդի Խորհրդարանական Վեհաժողովի ամառային նստաշրջանի պահից մինչև հունիսի 27–ի ժամը 13:30–ն ընկած ժամանակահատվածում Արփինե Հովհաննիսյանի վերաբերյալ եղել է 79 հոդված, ինչը կազմում է ամբողջ լրահոսի 1,1%–ը։

Մոնիթորինգի արդյունքներով ԵԽԽՎ փոխնախագահի վերաբերյալ ամենից շատ հայկական օնլայն լրատվականներում խոսվել է 14։00–ից 15։59–ն ընկած ժամանակահատվածում։

Վերլուծաբանների կարծիքով՝ դա պայմանավորված է նրանով, որ 14։00–ից է սկսվել տարածվել Հովհաննիսյանի՝ ԵԽԽՎ փոխնախագահ ընտրվելու մասին տեղեկատվությունը։ Դրանից հետո 1 ժամ համեմատաբար քիչ հոդվածներ են շրջանառվել, որից հետո կրկին ակտիվություն է նկատվել։

Մոնիթորինգի արդյունքներով լրատվական հոդվածների երկրորդ «ալիքը» սկսվել է 17:00– ից 17:59–նն ընկած ժամանակահատվածի ընթացքում, որը պայմանավորված է եղել ԱԺ փոխնախագահի ԵԽԽՎ–ում հնչեցրած ելույթով։

ՀՀ ամենաայցելվող թոփ 10 լրատվական կայքերից թեմային ամենաշատն անդրադարձել են News.am և Orer.am կայքերը՝ յուրաքանչյուրը թողարկելով 2 հոդված:

Արմինե Գրիգորյան