Ալեքսիս Օհանյանի ու Սերենա Ուիլյամսի սիրո պատմությունը՝ BusinessInsider-ի անդրադարձում

Վերջին վեց ամիսները բուռն էին Սերենա Ուիլյամսի ու Ալեքսիս Օհանյանի համար։ Հայտնի թենիսիստուհին ու Reddit-ի հիմնադիրը պարզեցին, որ երեխայի են սպասում ու նշանադրվեցին։

Բայց միշտ չէ, որ ամեն բան այդքան հարթ է ընթացել։ Երբ նրանք առաջին անգամ հանդիպեցին, Ուիլյամսն ուզում էր ազատվել Օհանյանից, այդ պատճառով էլ ասել է նրան, թե մոտակայքում առնետ կա։

BusinessInsider-ն անդրադարձել է զույգի պատմությանը՝ ներկայացնելով՝ ինչպես են երկու տարբեր աշխարհներից նրանք հանդիպել ու սիրահարվել։

Զույգը հանդիպել է 2015 թվականի մայիսին Հռոմի Hotel Cavalieri Hilton հյուրանոցում։ Օհանյանը նստած էր Ուիլյամսի կողքի սեղանին, իսկ Ուիլյամսն ու ընկերներն ուզում էին, որ նա հեռանա՝ ասելով, թե նրա սեղանին առնետ կա։ Իսկ երբ հասկացան, որ բան դուրս չի գալիս, հրավիրեցին նրան՝ միանալու իրենց։

Ուիլյամսը երբեք չէր լսել Reddit-ի մասին, իսկ Օհանյանը երբեք չէր դիտել Ուիլյամսի խաղերը, բայց համաձայնեց գնալ նրա խաղին, որ կայանալու էր հաջորդ օրը։ Նա այնքան քիչ բան էր հասկանում սպորտից, որ հրապարակել էր մի նկար, որտեղ երևում էր Ուիլյամսի սխալ քայլը։

Երբ նրանք ծանոթացան, Օհանյանը նոր էր բաժանվել 5 տարվա ընկերուհուց՝ միկրոբիոլոգ Սաբրիյա Սթյուկսից։

Ուիլյամսն էլ 2010 թվականից հանդիպում էր ռեպեր Դրեյքի հետ։ 2015 թվականի օգոստոսին Ուիլյամսին ու Դրեյքին տեսան միասին ընթրելիս, ու նրանց մասին լուրերն արագորեն սկսեցին տարածվել, բայց Ուիլյամսը պնդում էր, որ նրանք պարզապես ընկերներ են։

Օհանյանի ու Ուիլյամսի առաջին պաշտոնական ժամադրությունը եղավ 2015 թվականի հունիսի Ֆրանսիայի թենիսի բաց առաջնությունից առաջ։ Vanity Fair-ը հայտնում է, որ Ուլյամսն Օհանյանին Փարիզ էր հրավիրել՝ խաղը դիտելու։ Մինչև առաջնությունը կսկսվեր, նրանք 6 ժամ զբոսնել են Փարիզի փողոցներով։

Զույգը շարունակում էր լուռ մնալ սոցիալական մեդիայում, չնայած Օհանյանը գնացել էր նաև ԱՄՆ թենիսի բաց առաջնությանը 2015-ի սեպտեմբերին։

Ալեքսիսն իր ինստագրամյան էջում խաղից նկար էր հրապարակել։

2016 թվականի ապրիլին Օհանյանն արդեն գիտեր, որ ուզում է ամուսնանալ ՈՒիլյամսի հետ։ Vanity Fair-ի հետ զրույցում Օհանյանն ասել է.

—Ես զգում էի, որ իմ կյանք է մտել մի մարդ, ով ստիպում է ինձ ավելի լավը դառնալ։

Օհանյանն արդեն ներկա էր լինում Ուիլյամսի բոլոր խաղերին՝ հաճախ կանգնած նայելով նրա խաղը։

Բայց Սերենան դեռ չէր բարձրաձայնում իրենց հարաբերությունների մասին։ Առաջին նկարը, որտեղ կարելի էր տեսնել Օհանյանին (այն էլ մի շարք այլ մարդկանց հետ) Սերենան հրապարակեց միայն 2016 թվականի օգոստոսին։

Թենիսիստուհին իրենց համատեղ առաջին լուսանկարը հրապարակեց 2016 թվականի նոյեմբերին, երբ նրանք արջի հագուստով մասնակցում էին դիմակահանդեսի։

2016 թվականի դեկտեմբերի 10-ին Օհանյանը Սերենային ամուսնության առաջարկություն արեց այն նույն վայրում, որտեղ առաջին անգամ հանդիպել էին՝ Հռոմի Hotel Cavalieri-ում։

Իսկ այս լուսանկարում Ուիլյամսը թաքցրել էր մատանին փոքրիկ տակոյով ՝ իր սիրելի ուտեստով։

Ուիլյամսն իրենց նշանադրության մասին հայտարարեց Reddit կայքում։ Օհանյանը նրա համար ստեղծել էր այս կերպարը՝ անվանելով նրան՝ «Սպագա միսս Kn0thing» (Kn0thing-ն Օհանյանի կեղծանունն է Reddit-ում)։

Ուիլյամը նաև բանաստեղծություն էր հորինել.

Ես եկա տուն մի փոքր ուշ,

Ինչ-որ մեկը հավաքել էր իմ իրերը,

Իսկ դրսում սպասում էր կառքը, որ տանելու էր Հռոմ՝

Իմ սիրելիի մոտ՝

Այնտեղ, որտեղ մեր աստղերն առաջին անգամ հանդիպեցին,

Իսկ հիմա դրանք միասնական շրջան էին կազմել։

Նույն սեղանի շուրջ, երբ մենք պատահական հանդիպեցինք,

Սակայն այս անգամ պատահական չէր,

Այս անգամ դա ոչ թե պատահականություն էր, այլ նրա ընտրությունը.

Ծնկի իջած՝ նա ասաց 4 բառ,

Իսկ ես ասացի «այո» ։

Օհանյանի պատասխանն էր.

—Ու դու ինձ դարձրիր երկրագնդի ամենաերջանիկ տղամարդը։

2017 թվականի հունվարին Ուիլյամսն ուղևորվեց Ավստրալիա՝ խաղերի, որտեղ էլ պարզեց, որ հղի է։

Օհանյանը մեկնեց Ավստրալիա՝ նրան ոգևորելու, ու իմացավ այդ մեծ լուրը՝ առաջնությունից անմիջապես առաջ։

8 շաբաթական հղի Ուիլյամսը դարձավ Ավստրալիայի թենիսի բաց առաջնության հաղթող։

Ապրիլին զույգը մեկնեց Մեքսիկա՝ ռոմանտիկ ուղևորության։

Սերենան ավելի ուշ՝ Օհանյանի ծննդյան օրը, հրապարակեց այս լուսանկարը՝ գրելով.

— Իմ թանկագին փոքրիկ, դու ինձ այնպիսի ուժ ես տալիս, որ ես չգիտեի, որ ունեի։ Դու սովորեցրել ես ինձ հանգստության ու խաղաղության իրական նշանակությունը։ Չեմ համբերում՝ երբ եմ տեսնելու քեզ, երբ ենք խաղալու միասին։ Բայց ինչն ամենակարևորն է, ես շատ երջանիկ եմ. ինձ աշխարհում առաջինն եմ զգում քեզ հետ, հատկապես այսօր՝ Ալեքսիսի ծննդյան օրը։ Քո մայրիկ։

Նրանք շատ գեղեցիկ ու երջանիկ են նայվում միասին։

Հիմա Օհանյանն ու Ուիլյամսը սպասում են ամառվա վերջին երեխայի ծնունդին, իսկ աշնանը կամուսնանան։