Քրդերեն լեզվի և գրականության երեք նոր դասագրքերը բարձր գնահատականի են արժանացել. Ալիխանե Մամե

 Հանրակրթական դպրոցների համար քրդերեն լեզվի և գրականության երեք նոր դասագրքեր են ստեղծվել, որոնց հեղինակն է ՀԳՄ քուրդ գրողների բաժանմունքի նախագահ, բանաստեղծ Ալիխանե Մամեն: 2015-16 ուսումնական տարում մուտք գործած քրդերեն նոր դասագրքերը հաստատվել են ՀՀ կրթության և գիտության նախարարության կողմից:< /span>

«Հրատարակվել են «Քրդերեն լեզու.կուրմանջի» 5-9-րդ և «Քրդերեն լեզու և գրականություն» 8-րդ և 9-րդ դասարանների համար նախատեսված դասագրքերը: Դրանցով անցնում են շաբաթական 3-4 ժամ»,-տեղեկացրեց Ալիխանե Մամեն` հավելելով, որ դասագրքերը փորձաքննության են ենթարկվել:

Խոսելով դասագրքերի բովանդակության մասին` Ալիխանե Մամեն նշեց, որ փորձ է արվել ընդգրկել մեր թվարկությունից առաջ և մինչև մեր օրերը ներառող քրդական գրականությունը:

«Հայ գրողները, պատմիչները, որոնք անդրադարձել են քրդերին, ևս տեղ են գտել դասագրքերում: Արդեն մուտք են գործել դպրոց, աշակերտների, ուսուցիչների, մտավորականների կողմից շատ բարձր գնահատականի են արժանացել: Շնորհանդեսն եղել է Ալագյազում: Դասագրքերը ստեղծելու համար մեկ տարի պահանջվեց»,-նշեց նա:

Մամեի հավաստմամբ` «Սպիկա» հրատարակչությունում տպագրված նոր գրքերը էականորեն տարբերվում են խորհրդային ժամանակաշրջանում ստեղծված դասագրքերից: Առաջին անգամ փորձ է արվել ըստ ժամանակագրության ամբողջացնել քրդական գրականությունը` սկզբնավորման շրջանից մինչև մեր օրերը:

Ալիխանե Մամեն ծնվել է 1948 թ. հունվարի 6-ին, Աշտարակի շրջանի Կոշ գյուղում (այժմ՝ ՀՀ Արագածոտնի մարզ)։Ավարտել է ԵՊՀ բանասիրական ֆակուլտետիժուռնալիստիկայի բաժինը։ Աշխատել է մամուլում, հրատարակչություններում, ՀՀ պետական գրապալատում։ Եղել է Մարդու իրավունքների և ազգային < i>հարցերիմշտական հանձնաժողովի փորձագետը ՀՀ Գերագույն խորհրդի վերջին գումարման ժամանակ, ՀԳՄ քուրդ գրողների բաժանմունքի նախագահն է, հիմնել է մի քանիհասարակական կազմակերպություններ։ Նրա բանաստեղծությունները տպագրվել են գրական մամուլում։ Այժմ «Զագրոս» թերթի գլխավոր խմբագիրն է։ 2012 թ.արժանացել է «Մովսես Խորենացի» մեդալի։