Թաթարստանում ՃՏՊ-ից 14 մարդ է այրվել ավտոբուսում. ձերբակալվել է տրանսպորտային ընկերության տնօրենը

Բազմաթիվ զոհերի պատճառ դարձած ՃՏՊ-ի շրջանակում իրավապահ մարմինները խուզարկություն են կատարում  «Ավտոկայանների Եվրասիական կորպորացիա»-ում, որ ղեկավարը ձերբակալվել է, հայտնել է ՌԴ քննչական կոմիտեի Թարաթարստանի քննչական վարչությունը։

Ինչպես տեղեկացնում է «Արմենպրես»-ը, վարչության ղեկավարի տեղակալ Էլմիրա Գազիզովան  հաղորդել է «Ինտերֆաքս»-ին, որ ՃՏՊ-ի ենթարկված ավտոբուսը, քննության տվյալներով, պատկանել է  «Ավտոկայանների Եվրասիական կորպորացիա»-ին։

Այնինչ, ընկերության գլխավոր տնօրեն Օկսանա Նիկիտինան ձեռնպահ է մնում  իրենց ավտոբուսի մասնակցությամբ ՃՏՊ-ի կապակցությամբ մեկնաբանություններից։

«Ճանապարհային երթևեկության և տրանսպորտային միջոցների շահագործման կանոնների խախտումը, որն անզգուշությամբ պատճառել է երկու կամ ավելի մարդու մահը» հոդվածով հարուցված քրեական գործը փոխանցվել է ՌԴ քննչական կոմիտեի Թարաթարստանի քննչական վարչությանը։

«ԿամԱԶ» բեռնատարի և  ուղևորատար «Նեոպլան» ավտոբուսի մասնակցությամբ ճանապարհատրանսպորտային պատահարը տեղի է ունեցել լույս հուլիսի 2-ի գիշերը Զաինսկ քաղաքից 9 կմ հեռու։ Սամարա-Իժևսկ երթուղու ավտոբուսը շրջվել է ճանպարհին և վառվել։

Վերջին տվյալներով՝  այդ ՃՏՊ-ում 14 մարդ զոհվել է, 12 տուժածներ գտնվում են հիվանդանոցներում։  

Տարբեր վարկածներով՝ ավտոբուսի վարորդը կարող էր քնել ղեկին, նրան կուրացրել են բեռնատարի լուսարձակները կամ կորցրել է կառավարումը վազանցի ժամանակ։

Լուսանկարը՝  ՏԱՍՍ