Ժողովրդական արվեստի, առողջ ապրելակերպի և բնության մոտ 1500 սիրահարներ մասնակցեցին «Հայ բույս» փառատոնին

ՀՀ Տավուշի մարզի Ենոքավան համայնքում հուլիսի 1-ին կայացել է ամենամյա «Հայ բույս» փառատոնը: Այն զբոսաշրջության ոլորտի զարգացմանն ուղղված նախագիծ է, որն  անցկացվում է 2015 թվականից: Այս մասին «Արմենպրես»-ին տեղեկացրին փառատոնի կազմակերպիչները՝ հավելելով. «Փառատոնն այս տարի հագեցած էր ազգային և ժողովրդական արվեստի գործերի, սենսորային և ուսուցողական խաղերի, տարազի, խոհանոցի, յոգայի և առողջ ապրելակերպի, կավագործության և գորգագործության, արշավների սիրահարների համար նախատեսված բազմազան միջոցառումներով:

Հավատարիմ մնալով նախորդ տարիների ավանդույթին՝ «Հայ բույս» փառատոնն իր հյուրերին այս տարի ևս ներկայացրեց 20 մետր  երկարություն ունեցող լավաշով խաղաղության մեծ բրդուճը՝ հայկական խոտաբույսերով և Հայաստանում ու տարբեր երկրներում արտադրված պանրատեսակներով, որը խորհրդանշում է ընտանիք (հաց), կյանք (հայկական խոտաբույսեր) և խաղաղություն (պանրատեսակներ): Խաղաղության մեծ բրդուճը պատրաստվեց «Տոնացույց» ժողովրդական թատրոնի ուղեկցությամբ և տարբեր երկրների դիվանագիտական ներկայացուցիչների անմիջական մասնակցությամբ:

«Հայ բույս» փառատոնի այցելուների քանակը տարեցտարի ավելանում  է՝  այս տարի հասնելով մոտավորապես 1500-ի, ինչը  վկայում է այն մասին, որ փառատոնը դարձել է սպասված իրադարձություն:

«Այս փառատոնով մենք նպատակ ունենք ներկայացնել ևժողովրդականացնել Տավուշի մարզի հարուստ բուսական աշխարհը՝ որպեսկարևորագույն ռեսուրս, բարձրացնել իրազեկվածությունը Հայաստանումաճող, բայց անհայտ բույսերի կիրառման, օգտակարության, բուժականնշանակության վերբերյալ ինչպես տեղացիների, այնպես էլզբոսաշրջիկների շրջանում: Բացի տաղավարներից, որտեղ ներկայացվածեն հայկական խոտաբույսերից տարբեր արտադրանքներ՝ խնամքիմիջոցներ, թեյեր, աքսեսուարներ, դեղամիջոցներ, նաև ամեն տարիփառատոնի  շրջանակներում  իրականացնում ենք «Հայաստանիխոտաբույսեր» խորագրով թեմատիկ արշավային և ճանաչողական  տուրեր,որի  մասնակիցները ծանոթանում են վայրի բույսեր հավաքելուգործընթացին,  ուտելու համար պիտանի և ոչ պիտանի բույսերին  և այլն»,- նշեց «Հայ բույս» փառատոնի համահիմնադիր Գայանե Աղայանը:

Անդրադառնալով փառատոնի շրջանակներում իրականացվող միջոցառումներին՝«Հայ բույս» փառատոնի համահիմնադիր Գայանե Չիբուխչյանը նշեց.«Փառատոնը  ներկայանում է ինչպես ճանչողական, ուսուցողական,այնպես էլ ժամանցային միջոցառումներով: Փառատոնի ժամանակ տարբերհարթակներում զուգահեռաբար անցկացվում են  թեմատիկ վարպետությանդասեր, որոնց ընթացքում հյուրերին սովորեցնում են բույսերիցպատրաստել կենցաղային պարագաներ, զովացուցիչ ըմպելիքներ,ծանոթացնում են հայկական ազգային տարազների բուսականզարդանախշերին, խոտաբույսերով գորգագործությանը: Հյուրերը կարող ենմասնակցել նաև բացօթյա յոգայի դասընթացների, հայկական թեյերիհամտեսի  և այլնի»: 

«Հայ բույս» փառատոնի  այս տարվա նորույթը «Հայաստանի գույներ» 10 մետրանոց գեղարվեստական կտորից պաննոն էր, որի վրա ներկայացված էին փառատոնի մասնակիցների լոգոները՝ կնիքի տեսքով  և հյուրերի մատնաներկերով նկարազարդումները:  Իսկ  փառատոնի ավարտին կտորի մասերը որպես վզկապեր բաժանվեցին ներկաներին:

Փառատոնի ընթացքում  տեղի ունեցավ նաև «Ենոքավանյան պոլո» ձիերով շոուն: 

Միջոցառումներն ուղեկցվեցին թատերական և երաժշտական ներկայացումներով, ելույթ ունեցան Միքայել Ոսկանյանն իր  «TurUp» քառյակով, ջութակահարուհի Սոնա Ազարյանը, DJ Beatman-ը, Իջևանից «Puzzle's 5 peaces» խումբը և DJ Համոն:  

«Հայ բույս» փառատոնին մասնակիցների թվում էին «Տերյան մշակութային կենտրոնը», «Ֆոտո ատելիե Մարաշլյան» ստուդիան, «Հանգույց» համույթը, «Կարին» ազգագրական երգի ու պարի համույթը Գագիկ Գինոսյանի ղեկավարությամբ, Իջևանի «M-STUDIO» պարի խումբը, «Նռան հատիկներ» նախագիծը, «Իջևանի երիտասարդական կազմակերպությունը» և այլն:   

Փառատոնի մուտքը ազատ էր»: