10 անսպասելի փաստեր Մարոկկոյի մասին, որոնք քչերին են հայտնի

Պարզվում է, որ մարդկանց պատկերացումներն աֆրիկյան այս հանրապետության մասին շատ են տարբերվում իրականությունից: Շատերը Մարոկկոն ասոցացնում են ուղտերի և մանդարինների հետ: Սակայն եկեք տեսնենք, թե իրականում ինչ առանձնահատկություններ ունի այս երկիրը:

 

1. Մարոկկո՝ ժամանակակից պետություն

Այստեղ կարելի է տեսնել լավ նորոգված ճանապարհներ և վճարովի ավտոմայրուղիներ: Սպասարկման կենտրոններում կամ բանկերում հիմնականում գործում է էլեկտրոնային հերթերի համակարգը, իսկ կոմունալ վճարումներն արվում են ավտոմատ համակարգով՝ հատուկ հաշվիչների օգնությամբ: Նավթի և գազի բացակայության պատճառով իշխանությունները փորձում են այլ եղանակներ գտնել էներգիա ստանալու համար:

 

2. Այստեղ ձյունը սովորական երևույթ է

Չնայած նրան, որ Մարոկկոն աֆրիկյան երկիր է, այստեղ ձմեռները ձյունառատ են լինում: Բացի այդ, հյուսիս-արևմուտքում գործում է լեռնադահուկային կայան, որտեղ կարելի է զբաղվել  դահուկավազքով կամ էլ սնոուբորդով: Մարոկկոյի հյուսիսային որոշ հատվածներ այնքան ձյունապատ են լինում, որ նմանվում են Շվեյցարիայի քաղաքներին:

 

3. Առաջին ճանապարհորդ-բլոգերը Մարոկկոյից էր

Առաջին ճանապարհորդ-բլոգերը ծնվել է դեռևս XIV դարում Մարոկկոյում: Նրա անունը Իբն Բատտուտա էր: Սկսել է ճանապարհորդել 22 տարեկանում, իսկ 28 տարեկանում արդեն հասցրել էր ճանապարհորդել աշխարհի երկրներից շատ-շատերում՝ տպավորությունններով կիսվելով իր գրառումներում: Ճանապարհորդի անունով է կոչված տեղի օդանավակայանը, որը գտնվում է Տանժերում:

 

4. Աշխարհում ամենահին համալսարանը գտնվում է Մարոկկոյում

Ֆեսում է գտնվում ամենահին ուսումնական հաստատությունը, որը հիմնվել է 859 թ. Ֆաթիմա անունով աղջկա կողմից: Եվրոպական ստանդարտ դիպլոմներ այստեղ սկսել են տալ միայն 1947 թվականից ի վեր: Ալ-Քարաուինում սովորել են բազում հայտնի գիտնականներ և փիլիսոփաներ:

 

5. Տեղի բնակիչների մեծ մասը բերբերներ են, որոնց մոտ այժմ 2967 թվականն է

Չնայած որ Մարոկկոն արաբական երկիր է, այստեղի բնակչության 60%-ը կազմում են բերբերները: Նրանք ունեն իրենց լեզուն և ազգային մշակույթը: Կա կարծիք, որ բերբերների գիրը ստեղծվել է շուրջ 2 հազար տարի առաջ: Եվ դա զարմանալի չէ, քանի որ նրանց մոտ այժմ 2967 թվականն է: Բերբերների լեզուն արաբերենին համարժեք պաշտոնական է դարձել 2011 թվականին:

 

6. Մարոկկոն Եվրոպային ավելի մոտ է գտնվում, քան մենք մտածում ենք

Եվրոպային և աֆրիկյան պետությանը բաժանում է 14 կմ երկարությամբ տարածք:

 

7. Սուլթան Իսմայիլ՝ ամենաբազմազավակ հայրը

Գինեսի ռեկորդների գրքի համաձայն Մուլայ Իսմայիլ անունով սուլթանը, որը կառավարել է 1672-1727 թթ., պատմության ամենաբազմազավակ հայրն է եղել: Ունեցել է մոտ 500 հարճ և 888 ժառանգ: Նրանցից 700-ը տղաներ էին:

 

8. Արգանի յուղ արտադրում են միայն Մարոկկոյում

Յուղի այս տեսակը, որն անվանում են նաև «հեղուկ ոսկի», ստանում են արգանի սերմերից: Արգանի յուղը մեծ հայտնություն է վայելում ողջ աշխարհում, հատկապես կոսմետիկա արտադրող ընկերություններում, որոնք մաշկի և մազերի խնամքի համար միջոցներ են արտադրում:

 

9. Մարոկկոյում գները հասանելի են բոլորին, իսկ բնակիչները բարձր աշխատավարձներ են ստանում

Ամենապրեստիժայինն այստեղբժշկի մասնագիտությունն է համարվում: Այստեղ ցածր են բենզինի գները, կոմունալ վարձերը և մթերքների մեծ մասը: Թանկ է միայն անշարժ գույքը: Սակայն Մարոկկոյում գործում է նաև «սոցիալական բնակարան» հասկացողությունը, որի շնորհիվ կարելի է վարձել ոչ մեծ տուն ընդամենը €28-30-ով:

 

10. Մարոկկոյում են նկարահանվել շատ հայտնի սերիալներ և ֆիլմեր

Տեղի գեղատեսիլ բնությունը և կլիմայական լավ պայմանները ռեժիսորների ուշադրությունը գրավել են դեռ 60-ական թվականներից: Այստեղ են նկարահանվել այնպիսի ֆիլմերից հատվածներ, ինչպիսիք են «Գլադիատորը», «Աստերիքսն ու Օբելիքսը», «Ալեքսանդրը», ինչպես նաև «Գահերի խաղը» հայտնի կինոսերիալի 3-րդ սեզոնը: