Դեսպան․ Հայաստանը շահագռգռված է Կուբանից որակյալ գյուղատնտեսական տեխնիկա ձեռք բերելու հարցում

Հայաստանի հետ արտաքին առեւտրային շրջանառությունը 2016-ին կրկնապատկվել է ՝ հասնելով գրեթե 68 մլն դոլարի։ Տարեցտարի տնտեսական կապերն ընդլայնվում են, հայտնվում են իրացման նոր շուկաներ ու այդ ուղղությունը անհրաժեշտ է զարգացնել։ Այս մասին հայտնել է Կրասնոդարի երկրամասի նահանգապետ Վենիամին Կոնդրատեւը Ռուսաստանում Հայաստանի արտակարգ ու լիազոր դեսպան Վարդան Թողանյանի հետ հանդիպման ընթացքում, հայտնում է Կրասնոդարի երկրամասի աշխատակազմի մամուլի ծառայությունը;

Երկրամասի ղեկավարը նշել է, որ այս տարի Ռուսաստանն ու Հայաստանը նշում են պաշտոնական դիվանագիտական հարաբերությունների հաստատման 25-ամյակը, երկրամասի համար Հայաստանը կարեւոր գործընկեր է։

Վարդան Տողանյանն էլ իր հերթին նշել է, որ երկրամասում խոշոր հայկական սփյուռք կա, որի  ներկայացուցիչները շատ բան են անում, որպեսզի ժողովուրդների միջեւ խաղաղություն պահպանվի։ Դա նպաստելու է նաեւ փոխշահավետ տնտեսական հարաբերությունների հաստատմանը; Դեսպանի խոսքով, համագործակցության համար հնարավորությունները բաց են նաեւ ավտոարդյունաբերական համալիրում։

«Հայաստանը շահագրգռված է որակյալ գյուղատնտեսական տեխնիկա ձեռք բերելու հարցում։ Հենց նման մեքենաներ են հիմա արտադրվում է Կրասնոդարի երկրամասում»,- պարզաբանել է Վարդան Տողանյանը։

Դեսպանը նաեւ պատմել է երկու խոշոր նախագծերի մասին, որոնք Հայաստանը մտադիր է իրականացնել Կուբանի տարածքում։

«Մենք ուզում էինք առեւտրի տուն բացել Հայաստանի թեմատիկ պարկի տեսքով, որտեղ ներկայացված կլինեն մեր արտադրողների ապրանքներն ու ծառայությունները, նաեւ ցուցահանդեսներ կկազմակերպվեն։ Եւս մեկ հեռանկարային նախագիծ է պատանեկան բիզնես ինկուբատորի ստեղծումը, տեխնոպարկի նմանությամբ, որն արդեն գործում է Երեւանում։ Կուբանում շատ բան է արվում երիտասարդության համար ու այդ նախագիծը կօգնի ուսանողներին ուսումնասիրել տեղեկատվական տեխնոլոգիաները՝ ամենաժամանակակից մակարդակի վրա»,- հայտնել է դեսպանը։

Վենիամին Կոնդրատեւը նշել է, որ առաջարկությունները հետաքրքիր են ու պահանջում են մանրակրկիտ քննարկում։ «Վստահ եմ, որ մենք կգտնենք հատման կետեր, որոնք կլրացնեն գոյություն ունեցող տնտեսական, կրթական ու մշակութային կապերը»,- շեշտել է նա։