Ունենալով իրավաբանի մասնագիտություն` նա մեծ հաջողություններ է գրանցում ֆիլմարտադրության ոլորտում. դերասան Արմեն Դալլաքյան

ԼԱՅՖ 5 Հուլիս, 2017 20:40

Citylife.am-ը այսօր հյուրընկալել է դերասան Արմեն Դալլաքյանին:

Citylife.am-Արմեն իրավագիտության ոլորտում բավականին երկար ժամանակ և լուրջ կերպով ներգրավված լինելուց հետո, ինչպե՞ս հայտնվեցիք արվեստի աշխարհ:

Արմեն-2012 թվականին, երբ ավարտեցի Մանկավարժական համալսարանի իրավագիտության ֆակուլտետը, առաջարկ ստացա նկարահանվել <<Աննա>> հեռուստասերիալում: Իմ առաջին և պատասխանատու դերն էր: Առաջարկն ընդունեցի, կերտեցի Նարեկի կերպարը: Մինչ այսօր ինձ հիշում են որպես Նարեկ` չնայած այս տարիների ընթաքում նկարահանվել եմ ուրիշ այլ սերիալներում և ֆիլմերում: Դա նշանակում է` ես հաղթահարեցի իմ առաջ դրված խնդիրը և պատվով դուրս եկա: 12439064_612854218867240_962350104990797018_n

12439064_612854218867240_962350104990797018_n

Citylife.am-Սովորել եք Ֆրանսիայում, ծանոթ եք այնտեղի կինոաշխարհին, եթե համեմատենք, ի՞նչ մակարդակի վրա է գտնվում հայկական կինոարվեստը:

Արմեն-Փորձում ենք առաջ գնալ: Իհարկե դեռ չենք հասնում եվրոպական ֆիլմարտադրության մակարդակին: Նրանք տեխնիկապես զարգացած են: Մենք ունենք հիանալի սցենարիստներ, ռեժիսորներ և դերասաններ, բայց տեխնիկապես զարգացած չենք: Իսկ այս զարգացվածության համար անհրաժեշտ է ֆինանս: 13533050_689887341163927_4002348522963980747_n-1

13533050_689887341163927_4002348522963980747_n-1

Citylife.am-Մասնագիտությամբ նաև ռեժիսոր եք, ունեք մի քանի աշխատանքներ, խոսենք դրանց մասին:

Արմեն-Իմ գործունեության ընթացքում նկարահանել եմ երեք ֆիլմ: Առաջինը <<Չիկագո Ծաղկաձոր -տրանզիտ>> ֆիլմն է, որտեղ հանդես եմ եկել որպես ռեժիսորի օգնական, երկրորդ ֆիլմը <<Լսու՞մ ես ինձ, ճակատագիր>>-ն է, որտեղ եղել եմ ռեժիսորը: Եվ վերջերս Մոսկվայում տեղի ունեցավ “Мечты сбываются” ֆիլմի պրեմիերան: Ֆիլմը պատմում է մի ռուս փոքրիկի մասին, ով գալիս է Հայաստան, տարվում հայկական մշակույթով: Այն բավականին մեծ արձագանք ունեցավ Մոսկվայում: Նկարահանել եմ նաև մի քանի տեսահոլովակներ: Որպես ռեժիսոր հանդես եմ գալիս նաև իմ թատերախմբում: Ես ռեժիսորական հին կյանքը չեմ սիրում, փորձում եմ նորամուծություններ բերել հայկական ռեժիսորական կյանք: Մեկուկես տարի առաջ բեմադրեցի 3D ձևաչափով ներկայացում, այսպիսին թատրոնի պատմության մեջ չէր եղել: Ներկայացման ժամանակ հանդիսատեսը զգացել է և´ քամի, և´ անձրև ու կայծակ, և´ մառախուղ

Citylife.am-Արմեն ձեզ հաջողվու՞մ է ձեր ներաշխարհում հաստատել ներդաշնակություն, թե՞ ձեր ներսում իրավաբանի և արվեստագետի պայքար կա:

Արմեն- Իրավաբանի և արվեստագետի պայքարը վաղուց չկա: Այժմ դերասանի և ռեժիսորի պայքարն է: Եվ ես երկուսին էլ խրախուսում եմ, քանի որ այդ երկու մասնագիտությունները փոխկապակցված են և միմյանց լրացնում ու օգնում են: 13920823_715565971929397_8949710325341649774_n

13920823_715565971929397_8949710325341649774_n

Citylife.am-Տարիներ առաջ ասել եք, որ երազում եք նկարահանվել սարսափ ֆիլմում և կերտել զոհի դերը: Այժմ և՞ս կա այդ երազանքը, և ինչու՞ հենց զոհի դերը:

Արմեն-Զոհի կերպար կերտելը պահանջում է շատ ջանք և դերասանական պրոֆեսիոնալ խաղ: Ուզում էի փորձել ինձ, իմ առաջ դնել այդ խնդիրը և փորձել պատվով դուրս գալ: Եվ ես իրականացրի իմ երազանքը. այժմ նկարահանում ենք սարսափ ֆիլմ, մնացել է նկարահանել միայն վերջաբանը: Կարծում եմ` հաջորդ տարի արդեն կտեսնենք հայկական սարսափ ֆիլմ, որն իրական սարսափ է` առանց ձևականությունների: 15218648_1827484244160983_1801048194_n

Citylife.am. Բավականին երիտասարդ եք, բայց արդեն կայացած ու հաջողակ. ինչպե՞ս է հաջողվում ճիշտ օգտագործել ժամանակը և հասցնել, գրեթե, ամեն ինչ:

Արմեն-Յուրաքանչյուր մարդ պետք է աշխատի ինքն իր վրա, պետք է անդադար կարդա և ուսումնասիրի: Կարդացած և զարգացած լինելը բերում է և´ մտածելակերպի, և´ աշխատանքային ոճի դրական փոփոխությունների: Մարդն իր հին գիտելիքներով չի կարող առաջ գնալ: Ես շատ եմ նայում եվրոպական ֆիլմեր, ուսումնասիրում եմ ռեժիսորական աշխատանքը և յուրաքանչյուր ռեժիսորից մի հետաքրքիր բան եմ վերցնում: 15281937_1827484420827632_1508470404_n

Citylife.am-Նաև ունեք կինոստուդիա և պարբերաբար բեմադրում եք ներկայացումներ ձեր սաների մասնակցությամբ: Խոսենք ձեր ժամանակակից լուծումներով ներկայացումների մասին:

Արմեն-Ես սիրում եմ իմ ներկայացումներին ժամանակակից երանգ հաղորդել: Հ. Թումանյանի <<Գիքորը>> հեքիաթի հիման վրա բեմադրեցի <<Գիքորը 21-րդ դարում>> ներկայացումը: Այս ներկայացման վերջում Գիքորը չի մահանում, այլ ունենում է հրաշալի կյանք: Բեմադրել եմ նաև <<Հարսնացուն հյուսիսից>> ֆիլմի հիման վրա <<Հարսնացուն Անգլիայից>> ներկայացումը: Հանդիսատեսի շարքում էր նաև Երվանդ Մանարյանը, ով ինձնից շնորհակալություն հայտնեց իրեն մտովի իր նկարահանման օրեր տեղափոխելու համար: Բեմադրել եմ նաև <<Ռոմե և Ջուլիետ>> ներկայացումը, որը տեղի ունեցավ Մհեր Մկրտչյանի արտիստական թատրոնում: Եվ վերջում Մհեր Մկրտչյանի եղբայրը` Ալբերտ Մկրտչյանն ինձ ասաց. – Կեցցե´ս, տղաս, դու առաջինն ես, ով իմ եղբոր բեմում բեմադրեց <<Ռոմեո և Ջուլիետ>>-ը: Այս խոսքերն ինձ համար մեծ հպարտություն են: 15218732_1827484137494327_770664102_n

Citylife.am-Շնորհավորում եմ` ամսի 23-ին տեղի ունեցավ <<Կիկոսի հարսանիքը>> ներկայացումը, որտեղ դուք ևս ունեցաք մասնակցություն: Մի փոքր պատմեք ներկայացման մասին:

Արմեն-Շնորհակալ եմ: Այս անգամ որոշեցինք Հ. Թումանյանի բոլոր հեքիաթները խտացնել մեկ ներկայացման մեջ և այն կոչվեց <<Կիկոսի հարսանիքը>>: Այս ներկայացման մեջ կան Թումանյանի հեքիաթների բոլոր հերոսները և նրանք մասնակցում են Կիկոսի հարսանիքին: Այս անգամ ևս փորձել եմ դրական փոփոխություններ կատարել, և Կիկոսի մահի փոխարեն մեր ներկայացումը հարսանիքի մասին է: Բոլոր հերոսները պատրաստվում են հարսանիքի և միայն վերջում են իմանում, թե ում հարսանիքն է:

Citylife.am-Արդարացվեցի՞ն ձեր սպասումները:

Արմեն-Այո, արդարացվեցին: Վախ, միանշանակ կար, բայց, երբ բարձրացանք բեմ, զգացի հանդիսատեսի դրական տրամադրվածությունը, վախն անցավ: Աստված մեզ հետ էր, և ամեն ինչ ստացվեց: 15218581_1827484864160921_1777302539_n

Citylife.am-Որո՞նք են ձեր ստեղծագործական կյանքի առաջիկա ծրագրերը:

Արմեն-Դեկտեմբերի 21-ին տեղի կունենա իմ կինոստուդիայի կազմակերպած ամենամյա մրցանակաբաշխությունը, որտեղ մեր բոլոր գործընկներներին կշնորհվեն մրցանակներ թե´ կինոստուդիայի, թե´ Մշակույթի նախարարության կողմից: Գարնանը սպասվում է տարազների ցուցադրություն, որոնք կկրեն 5-15 տարեկան փոքրիկները: Հաջորդ տարի կրկին սպասվում են ներկայացումներ, այդ թվում նաև 3D ձևաչափով ներկայացում: