Ամեն ինչ մոնոպոլիզացված է. Արփինե Բեկջանյանը մեկնաբանում է իր տևական դադարը

Citilfie.am-ի հյուրն է 90-ականների հայտնի երգչուհի Արփինե Բեկջանյանը:

Citylife.am. Արփինե՛, Դուք այն երգչուհիներից եք, ով երկար դադար ունենալուց հետո էլ ունի հավատարիմ երկրպագուներ և հանդիսատես, ինչու՞մն է գաղտնիքը:

Արփինե. Կարող եմ գլուխ գովալ այդ առումով, որ ես և իմ նման շատ երգիչ-երգչուհիներ կան, ովքեր այս ասպարեզում շատ քիչ են երևում, բայց սիրված են ժողովրդի կողմից: Դա գալիս է այն դժվար, բայց հաճելի 90-ականներից, այսինքն՝ մարդկանց մոտ դեռ խոսում է նոստալգիկ վիճակը: Ու շնորհակալ եմ բոլոր այն մարդկանց, ովքեր ինձ հիշում և երկրպագում են՝ չնայած իմ դադարին:

Citylife.am. Արփինե, Դուք ձեր հարցազրույցներից մեկում նշել եք, որ հիասթափված եք հայկական շոու-բիզնեսից և պայքարելու իմաստ այլևս չկա: Ո՞րն է պատճառը:

Արփինե. Եթե ես այնտեղ ինչ-որ լուսավոր բան տեսնեի, հաստատ նման բան չէի ասի: Իմ կոլեգաներից շատերը մինչև հիմա այնտեղ են, բայց ես նրանց չեմ տեսնում ոչ մի պետական համերգների կամ մշակութային նախաձեռնության մեջ: Հիասթափությունը գալիս է նրանից, որ ինչ էլ անենք, միևնույն է մեզ ճանապարհ չեն տալու: Ամեն ինչ մոնոպոլիզացված է: Սկզբում խոչընդոտ էր հանդիսանում կոնկուրենցիա ասվածը, այնուհետև մեզ քաղաքականացրին՝ համարելով «լևոնական երգիչ-երգչուհիներ», Ինչն աբսուրդ էր, որովհետև արվեստը հեռու է քաղաքականությունից:

Citylife.am. Էկրանին չերևալու պատճառների մեջ չե՞ք տեսնում ձեր մեղքի բաժինը ևս:

Արփինե. Ոչ, որովհետև եթե ինչ-որ մեկը համարի, որ իմ երգերը կարող են լինել ոչ լիարժեք և անճաշակ, ես կասեմ՝ այսօր աղբն էլ է շատ մեր հեռուստաէկրաններին: Ու երբևէ թող չհամեմատեն իմ և իմ կոլեգաների երգածն այն ամենի հետ, ինչ հիմա տեղի է ունենում: Ես համարում եմ, որ միակ խնդիրը մոնոպոլիզացված իրավիճակն է բոլոր ոլորտներում:

Citylife.am. Արփինե՛, Դուք ունեք հրաշալի զավակներ, եթե նրանք որոշեն ընտրել բեմը, Դուք որևէ ազդեցություն կունենա՞ք նրանց ընտրության վրա:

Արփինե. Չնայած նրան, որ իմ դուստրն ունի հրաշալի ձայն՝ ես և իմ ամուսինը չէինք ցանկանա նրան տեսնել հայկական շոու-բիզնեսի մեջ: Բայց եթե նա ուզենա շարունակել այս ասպարեզում, մենք ամեն ինչ կանենք, որ դա տեղի ունենա արտասահմանում, որտեղ երեխան գնահատված կլինի:

Citylife.am. Ու՞մ երգերը և երաժշտությունն են ոգեշնչել և շարունակում ոգեշնչել Ձեզ:

Արփինե. Չեմ կարող տարանջատել ոչ մեկին և տալ կոնկրոտ անուններ: Ես լսում եմ ամեն ինչ, բայց այդ ամեն ինչի մեջ ամենալավը: Շատ բաներ ես իմ ամուսնուց եմ վերցնում: Նա իմ լավագույն ուսուցիչն է,  ով ունի վոկալի առումով հրաշալի ճաշակ:

Citylife.am. Միայն սերը բավարա՞ր է երջանիկ լինելու համար:

Արփինե. Միայն սերը բավարար չէ, եթե չլինեն միմյանց հանդեպ փոխըմբռնումը, հարգանքը: Դրանք լրացնում է սեր հասկացողությանը:

Citylife.am. Երբևէ մտածե՞լ եք արտասահման տեղափոխվելու և այնտեղ ստեղծագործելու մասին:

Արփինե. Իհարկե, մտածել եմ, ու եթե հնարավորություն ունենայի, անպայնամ կգնայի և իմ գործը կշարունակեի այնտեղ, որտեղ ես և իմ ամուսինը կլինեինք գնահատված:

 

Citylife.am. Ի՞նչ նոր ծրագրեր ունեք:

Արփինե. Նոր երգով հանդես գալու և իմ երկրպագուներին ուրախացնելու ցանկությունս մեծ է: Փորձում եմ անել ամեն ինչ, որ թեկուզ մեկ երգով հանդես գամ նրանց համար, ովքեր սիրում և գնահատում են արվեստը:

Citylife.am-. Շնորհակալ եմ, Արփինե՛: Թող այսուհետ ևս հաջողությունն ուղեկից լինի Ձեր ստեղծագործական կյանքի ընթացքում: