«Նա մեղադրում է ինձ իր մեքենան ու տունն այրելու ցանկության մեջ»․ Արմեն Ջիգարխանյանի նախկին կինը ներկայիս կնոջ մասին Life.tert.am

 Life.tert.am-ը գրում է.

Դերասան Արմեն Ջիգարխանյանի և նրա նախկին կնոջ՝ Տատյանա Վլասովայի հարաբերությունները բավականին լարված են։ Նրանք մի քանի դատական գործ են միմյանց դեմ հարուցել և փորձում են կիսել համատեղ ձեռք բերված ունեցվածքը։ Վերջերս հայտնի է դարձել, որ դերասանի նախկին կինը նրան 74 հազար դոլար է վճարել, որը նրանց ԱՄՆ-ի տան վաճառքից ստացված գումարի կեսից ավելին է։

Kомсомольская правда-ն գրում է, որ այժմ նախկին ամուսինները փորձում են Մոսկվայում գտնվող բնակարանը կիսել։ Որքան խորանում է դատական գործընթացն, այնքան ավելի շատ  մանրամասներ են բացահայտվում։

Վերջերս Վլասովան մասնակցել է  Прямой эфир հեռուստաշոուին, որի ընթացքում պատմել է, որ նախկին ամուսնու ներկայիս կինը՝ Վիտալինա Ցիմբալյուկ-Ռոմանովսկայան պատրաստ է ամեն ինչի, որպեսզի ամուսինը շահի դատը։ Տատյանան նշել է, որ Ջիգարխանյանի հետ բնակարանի մասին զրուցելուց հետո նրան ոստիկանությունից են զանգահարել ու ասել են, որ նրա դեմ քրեական գործ է հարուցվում։

«Ես ու փաստաբանս գնացինք ոստիկանություն և  մեզ երկու դիմում ներկայացրին։ Ոստիկանությունում իմացա, որ ցանկանում եմ Վիտալինայի վրա ազոտական թթու լցնել, այրել նրա բնակարանն ու մեքենան, ինչպես նաև վարձու մարդասպան վարձել։ Գրված էր․ «Խնդրում ենք քրեական գործ հարուցել»»,- պատմել է Վլասովան։

Ի վերջո, քրեական գործ չի հարուցվել, սակայն բնակարանը կիսելու դատական գործընթացը դեռ շարունակվում է։ Վլասովան նշում է, որ իրականում ամբողջ գումարը հենց իրեն պետք է մնար։